Posted: 12/08/2012 06:21 PM IST

భారత క్రికెట్ ఆటగాళ్ళ పేవల ప్రదర్శన మరోసారి బయటపడింది. పోయిన సంవత్సరం ఇంగ్లాండ్ చేతితో క్లీన్ స్విప్ అయినా ఇండియా ఆటగాళ్ళ ఆటలో మాత్రం మార్పురాలేదనిపిస్తుంది. మొదటి టెస్టులో ఏదో ఊరించి, రెండో టెస్టు నుండి షరా మామూలు అన్నట్లుగానే ఆడుతున్నారు. సొంత గడ్డ పై ఇప్పటికే రెండో టెస్టులో ఓటమి పాలై, కనీసం మూడో టెస్టులోనైనా పుంజుకుంటారని అనుకుంటే.... పుంజుకోవడం కాదు కదా ? పేవలమైన ఆటతీరును ప్రదర్శించి పరాజయం అంచుల వరకు వెళ్లారు. మొదటి ఇన్నింగ్స్ లో 316 పరుగులకే ఆలౌటైంది. బౌలింగులోనైనా ప్రతాపం చూపుతారనుకుంటే  కావాల్సినన్నీ పరుగులు సమర్పించుకొని, 523 పరుగులకు ఆలౌట్ చేసింది. ఇక రెండో ఇన్నింగ్స్ ప్రారంభించి నిలకడగా ఆడుతారనుకుంటే.... దూకుడుగా ఇన్నింగ్స్ ఆరంభించిన సెహ్వాగ్ , గంభీర్ లు లంచ్ వరకు బాగానే ఆడారు. లంచ్ విరామం తరువాత వరుసగా వికెట్లు కోల్పోయిన టీమిండియా పీకల్లోతు కష్టాల్లో కూరుకుపోయింది. లంచ్ విరామానికి 86 పరుగులకు వికెట్ కోల్పోకుండా ఆడిన మనవాళ్లు, లంచ్ తర్వాత తొలి బంతికే సెహ్వాగ్ అవుట్ కావటంతో వికెట్ల పతనం మొదలైంది. ఆ వెంటనే పుజారా రన్ అవుట్ కావటం ఆ తర్వాత గంభీర్, సచిన్, యువరాజ్, ధోనీ కూడా క్యూ కట్టారు. దాంతో 180 పరుగలకే ఏడు వికెట్లు కోల్పోయి ఓటమికి మరింత దగ్గరైంది. బౌలర్ రవిచంద్రన్ అశ్విన్ 80 పరుగులతో అజేయంగా నిలవడంతో, 239 పరుగులకు చేరుకుంది. మొత్తానికి ఈడెన్ మ్యాచ్ ని కూడా భారత్ ఇంగ్లాండ్ కి సమర్పించుకుంది.