Posted: 11/07/2012 03:03 PM IST

ప్రపంచ క్రికెట్ రారాజు మరోమారు భారతమాతకు తన భాగస్వామ్యాన్ని అందించాడు. ఎలా అంటే.. ‘మాస్టర్ బ్లాస్టర్’ సచిన్ తెండూల్కర్‌ను ఆస్ట్రేలియా ప్రభుత్వం ‘ఆర్డర్ ఆఫ్ ఆస్ట్రేలియా’ సభ్యత్వంతో సత్కరించింది. భారత్-ఆస్ట్రేలియా మధ్య సత్సంధాలను, సుహృద్భావాన్ని, మైత్రిని, క్రీడా స్ఫూర్తిని పెంపొందించేందుకు క్రికెట్ ద్వారా సచిన్ అందించిన విశిష్ట సేవలను గుర్తిస్తూ ఈ అవార్డును ప్రదానం చేశారు. భారత్‌లో పర్యటిస్తున్న ఆస్ట్రేలియా కళలు, సాంస్కృతిక వ్యవహారాల శాఖ మంత్రి సైమన్ క్రెయాన్ ముంబయిలో సచిన్‌కు ఈ అవార్డును అందజేశారు.
       ఈ అవార్డు కింద ఆయన ఒక పతకాన్ని, క్రికెట్ స్టంప్‌ను సచిన్‌కు బహూకరించారు. ఆర్డర్ ఆఫ్ ఆస్ట్రేలియా పురస్కారం భారతీయులను వరించడం ఇది రెండోసారి. గతంలో మాజీ అటార్నీ జనరల్ సోలీ సొరాబ్జీ ఒక్కరే భారత్ నుంచి ఈ అవార్డును అందుకున్నారు. సాధారణంగా ఆస్ట్రేలియా జాతీయులకు మాత్రమే ప్రదానం చేసే ఈ అవార్డు విదేశీయులను వరించడం ఎంతో అరుదు. వెస్టిండీస్ క్రికెట్ దిగ్గజాలు బ్రియాన్ లారా, సర్ గ్యారీ సోబర్స్, క్లైవ్ లాయిడ్ మాత్రమే ఇంతకు ముందు ఈ అవార్డులను అందుకున్నారు. ఈ పురస్కారాన్ని అందుకున్న విదేశీ క్రికెటర్ల జాబితాలో ఇప్పుడు సచిన్ నాలుగో వాడిగా చేరాడు.

...avnk