Posted: 11/02/2012 06:43 PM IST

పాకిస్తాన్‌తో క్రికెట్‌ సిరీస్‌కు  బిసిసిఐ షెడ్యూల్‌ ప్రకటించింది. భారత్‌లో పాకిస్తాన్‌ పర్యటనకు హోంమంత్రిత్వ శాఖ మంగళవారం అనుమతించిన విషయం తెలిసిందే. ఈ పర్యటనలో పాకిస్తాన్‌ 2 టి20లు, 3 వన్డే మ్యాచ్‌లు భారత్‌తో ఆడనుంది. ఈ సిరీస్‌లో టి20లకు బెంగళూరు, అహ్మదాబాద్‌, వన్డేలకు చెన్నరు, కొల్‌కతా, ఢిల్లీ వేదికలు కానున్నాయి. డిసెంబర్‌ 22న పాకిస్తాన్‌ జట్టు బెంగళూరు చేరుకోనుంది. డిసెంబర్‌ 25న బెంగళూరులోని చిన్నస్వామి స్టేడియంలో తొలి టి20 మ్యాచ్‌తో క్రికెట్‌ సిరీస్‌ ప్రారంభం కానుంది. ఢిల్లీలో జనవరి 6న మూడో వన్డేతో టోర్నీ ముగియనుంది. 2007లో భారత్‌లో పాక్‌ పర్యటన తర్వాత ఇరు దేశాల మధ్య ఇప్పటిదాకా ద్వైపాక్షిక సిరీస్‌ జరగలేదు. ముంబయి దాడుల నేపథ్యంలో క్రికెట్‌ సంబంధాలు కూడా దెబ్బతిన్నాయి. భారత్‌తో క్రికెట్‌ సంబంధాలు పునరుద్ధరణ కోసం పిసిబి ఎన్నో ప్రయత్నాలు చేసింది. చివరికి పిసిబి ప్రయత్నాలు ఫలించాయి. చివరికి జులైలో బిసిసిఐ సిరీస్‌కు అంగీకరించింది

...avnk