Posted: 09/28/2012 04:59 PM IST

భారత్ క్రికెట్ సెలక్టర్ల పారితోషకాలు భారీగా పెరిగిపోయాయ్. అంతేకాదు. 1983 వన్డే ప్రపంచ కప్‌ విన్నింగ్‌ జట్టు సభ్యుడు సందీప్‌ పాటిల్‌ జాతీయ క్రికెట్‌ సెలక్షన్‌ కమిటీ ఛైర్మన్‌గా ఎంపికయ్యాడు. అనుహ్య పరిణామాల మధ్య సందీప్‌ను చీఫ్‌ సెలక్టర్‌ పదవి వరించింది. శ్రీనాథ్‌ (సౌత్‌ జోన్‌), నరేంద్ర హిర్వానీ (సెంట్రల్‌), రాజా వెంకట్‌ (ఈస్ట్‌), సురేంద్ర భవే (వెస్ట్‌) సెలక్టర్లుగా ఎంపికయ్యారు. రోజర్‌ బిన్నీ (సౌత్‌ జోన్‌), సాబా కరీమ్‌ (ఈస్ట్‌ జోన్‌), విక్రమ్‌ రాథోర్‌ (నార్త్‌ జోన్‌), రాజేందర్‌ సింగ్‌ హన్స్‌ (సెంట్రల్‌ జోన్‌), సందీప్‌ పాటిల్‌ (వెస్ట్‌ జోన్‌)లు సెలక్షన్‌ కమిటీ సభ్యులుగా ఎంపికయ్యారు. మాజీ భారత క్రికెటర్‌, ముంబయి ఆటగాడు చంద్రకాంత్‌ పండిట్‌ జూనియర్‌ సెలక్షన్‌ కమిటీకి ఛైర్మన్‌గా ఎంపికయ్యాడు. ఐదుగురు సభ్యులు గల సెలక్షన్‌ కమిటీ నుంచి మొహిందర్‌ అమర్‌నాథ్‌ను బిసిసిఐ తప్పించింది. ఈసారి తనకు చీఫ్‌ సెలక్టర్‌ పదవి దక్కుంతుందని అమర్‌నాథ్‌ ఆశించాడు. కానీ అతడి కోరిక నెరవేరలేదు. అనుహ్య పరిణామాల మధ్య అతడ్ని బోర్డు తప్పించింది. అతడు నార్త్‌ జోన్‌ నుంచి ఏడాది పదవీకాలం మాత్రమే పూర్తి చేశాడు. అమర్‌నాథ్‌ స్థానంలో నార్త్‌ జోన్‌కు విమ్ర్‌ రాథోర్‌ జోనల్‌ సెలక్టర్‌గా ఎంపికయ్యాడు.

...avnk