Posted: 09/28/2012 05:09 PM IST

ప్రపంచ ఛాంపియన్‌ విశ్వనాథన్‌ ఆనంద్‌కు చెస్‌ మాస్టర్స్‌ ఫైనల్లో రెండో రౌండ్లోనూ డ్రా ఎదురయింది. తెల్లపావులతో ఆట ప్రారంభించిన ఆనంద్‌కు లెవొన్‌ అరోనియన్‌ (అమెరికా) నుంచి గట్టి పోటీ ఎదురైంది. చివరికి డ్రాతో సరిపెట్టుకోవాల్సి వచ్చింది. రెండు డ్రాలతో రెండు పాయింట్లు మాత్రమే సాధించిన ఆనంద్‌ టోర్నీలో నాలుగో స్థానంలో నిలిచాడు. ప్రపంచ విజేతగా నిలిచిన నాలుగు నెలల తర్వాత ఆనంద్‌ ఈ టోర్నీలో బరిలోకి దిగాడు. టోర్ని ప్రదర్శనపై ఆనంద్‌ సంతృప్తికరంగా లేడు. టోర్నీలో తెల్లపావులతో ఆడిన ఆనంద్‌కు విజయం దక్కలేదు. ఆనంద్‌కు ఎనిమిది రౌండ్లలో ఇంకా మూడు వైట్‌ గేములు మాత్రమే మిగిలి ఉన్నాయి.
      యువ క్రీడాకారుడు ఫాబినో కరుణ (ఇటలీ) రెండో రౌండ్లో సెర్జీ కార్జాకిన్‌ (రష్యా)ను ఓడించాడు. అతడికిది రెండో విజయం. మరో మ్యాచ్‌లో మాగ్నుస్‌ కార్ల్‌సన్‌ (నార్వే) స్పెయిన్‌ ఆటగాడు ఫ్రాన్సిస్కో వాలెజ్‌ పోన్స్‌ చేతిలో ఓటమి చవి చూశాడు. పోన్స్‌ తొలి రౌండ్లో ఆనంద్‌తో మ్యాచ్‌ డ్రా చేసుకున్న విషయం తెలిసిందే.

...avnk