Posted: 08/01/2012 04:08 PM IST

అమెరికా స్టార్ స్విమ్మర్ మైకేల్ ఫెల్ఫ్స్ లండన్ ఒలింపిక్స్ లో చరిత్ర సృష్టించాడు. 19 పతకాలు గెల్చుకుని 'ఆల్ టైమ్ ఒలింపియన్' గా సరికొత్త రికార్డు నెలకొల్పాడు. పురుషుల 4x200 మీటర్ల ఫ్రీస్టయిల్ రిలే ఈవెంట్ లో బంగారు పతకం సాధించి ఈ ఘనత సాధించాడు. ఈ విజయంతో ఒలింపిక్స్ లో 18 పతకాలు సాధించిన సోవియట్ యూనియన్ మహిళా జిమ్నసిస్ట్ లారిసా లాతినిసా పేరిట ఉన్న ప్రపంచ రికార్డును అధిగమించాడు. ఈతకొలనులో ఎదురులేని మొనగాడిగా నిలిచాడు. ఫెల్ఫ్స్ సాధించిన 19 పతకాల్లో 15 గోల్డ్ మెడల్స్ ఉన్నాయి. 2008 బీజింగ్ ఒలింపిక్స్ లో 8 స్వర్ణ పతకాలు సాధించాడు. 2004 ఏథెన్స్ ఒలింపిక్స్ లో ఆరు బంగారు పతకాలు కొల్లగొట్టాడు. రెండు కాంస్య పతకాలు కూడా గెల్చుకున్నాడు.