Posted: 06/21/2012 01:36 PM IST

మన దేశంలో క్రికెట్ కి ఎక్కువ మంది అభిమానులు ఉంటారో, ప్రపంచ దేశాలలో ఫుట్ బాల్ కి చాలా ఎక్కువ మంది ఫుట్ బాల్ అభిమానులు ఉంటారు. ఫుట్ బాల్ అనగానే మనకు ఫిఫా వరల్డ్ కప్, ప్రపంచ సాకర్, ఇప్పుడు జరుగుతున్న యూరో ఛాంపియన్ షిప్ లాంటి టోర్నీలు మనల్ని ఉర్రూతలు ఊగిస్తాయి. ఇలాంటి టోర్నీల్లో మన వాళ్లు ఎప్పుడు ఆడింది లేదు. కానీ మనందరికి తెలియని వాడు, మన దేశానికి చెందిన వాడు ప్రపంచ ఛాంపియన్ జట్టులో ఉన్నాడు. అతని పేరే లూసియానా నర్సింగ్.

2010 ఫిఫా వరల్డ్ కప్ ఫైనలిస్ట్, ప్రపంచ నెం. 4 నెదర్లాండ్స్ జట్టులో నర్సింగ్ సభ్యుడు. యూరో ఛాంపియన్ షిప్ కూ ఎంపికయ్యాడు. కానీ స్టార్లతో నిండిన జట్టులో ఇతడికి ఆడే అవకాశమే రాలేదు. మరో రెండేళ్ళలో జరిగే ప్రపంచకప్ సమయానికల్లా తిరుగులేని జట్టుగా ఎదగాలని భావిస్తున్న నెదర్లాండ్స్ కొంతమంది యువ ప్రతిభావంతులను గుర్తించింది. వారిలో నర్సింగ్ ఒకడు. 21 ఏళ్ళ లుసియానో నర్సింగ్ మూలాలు ఆంధ్రప్రదేశ్ లో ఉండటం విశేషం.

ఇతడి తాత, అవ్వ చాలా ఏళ్ళ క్రితం హాలెండ్ కి వలస వెళ్ళారు. ప్రస్తుతం నర్సింగ్ కుటుంబం ఈశాన్య హాలెండ్ లోని హీరెన్వీస్ లో నివసిస్తోంది. నర్సింగ్ సోదరుడు ఫర్జెల్ నర్సింగ్ కూడా ప్రొఫెషనల్ ఫుట్ బాల్ ఆటగాడే. నెదర్లాండ్స్ స్టానిక కోచ్ ల మనసులలో భవిష్యత్ తార లూసియానా నర్సింగే. ప్రపంచ జట్టులో మనవాడు ఉండటం మనకు కొంత గర్వకారణమే.