Posted: 05/15/2012 10:59 AM IST

 టెండూల్కర్‌ను రాజ్యసభకు ఎంపిక చేయడం రాజ్యాంగంలోని ఆర్టికల్ 80(3)కు పూర్తి విరుద్ధమని పిటిషనర్ వాదించారు క్రికెటర్ సచిన్ టెండూల్కర్‌ను రాజ్యసభకు నామినెట్ చేయడాన్ని సవాల్ చేస్తూ దాఖలైన పిటిషన్‌ను సుప్రీం కోర్టు కొట్టివేసింది. జస్టిస్ దీపక్ వర్మ నేతృత్వంలోని సుప్రీం ధర్మాసనం పిటిషన్‌ను డిస్మిస్ చేసింది. సచిన్‌ను పెద్దల సభకు నామినెట్ చేయడం రాజ్యాంగ సూత్రాలకు విరుద్ధమంటూ రామ్‌గోపాల్ సిసోడియా అనే వ్యక్తి సుప్రీం కోర్టులో పిటిషన్ వేశాడు. సిసోడియా పిటిషన్‌ను తిరస్కరించిన బెంచ్ ఈ విషయంపై హైకోర్టుకు వెళ్ళొచ్చని సూచించింది.. సాహిత్యం, సైన్స్, కళలు, సామాజిక సేవల రంగాల్లోని నిష్ణాతులనే పెద్దల సభకు నామినెట్ చేయాలని రాజ్యాంగం స్పష్టం చేస్తోందని సిసోడియా తెలిపారు. క్రీడల రంగం నుంచి రాజ్యసభకు ఎంపిక చేయడం రాజ్యాంగ ఉల్లంఘన కిందకే వస్తుందని పిటిషనర్ ఆరోపించారు. క్రికెట్‌లో అనేక అద్భుతాలు సృష్టించిన సచిన్‌ను 2010లో భారత వైమానిక దళంలో గౌరవ కెప్టెన్‌గా నియమించారు. గత నెలలోనే ఆయనను రాజ్యసభకు నామినేట్ చేశారు. ప్రముఖ నటి రేఖ, పారిశ్రామికవేత్త అను అగాను టెండూల్కర్‌తో పాటు పెద్దల సభకు నామినెట్ చేశారు.