Posted: 04/21/2012 06:32 PM IST

సుదీర్ఘ రైలు ప్రయాణం తన కెరీర్లో ఎంతో ఉపయోగపడిందని ముంబయి బ్యాట్స్‌మన్ అజింక్యా రహానె అంటున్నాడు. లోకల్ ట్రైన్‌లో కొన్నే ళ్ల పాటు నిత్యం ప్రయాణించానని చెప్పాడు. దీనివల్ల కష్టపడేతత్వం, అంకితభావం ఏర్పడిందని.. తన విజయానికి ఇదే కారణమని రహానె అన్నాడు. ఐపీఎల్‌లో రాజస్థాన్ రాయల్స్‌కు ఆడుతున్న రహానె ఆరు మ్యా చ్‌ల్లో 304 పరుగులు సాధించి అగ్రస్థానంలో కొనసాగుతున్నాడు. క్రికెటర్‌గా ఎదిగే క్రమంలో తాను పడ్డ కష్టాల్ని రహనె వివరించాడు. 'ముంబయి లోకల్ ట్రైన్స్‌లో ప్రయాణించడం అంత తేలికకాదు. డొంబివాలీ నుంచి సీఎస్‌టీకి చేరుకునే సరికి నాలుగు గంటలు పట్టేది. అంతదూరం వెళ్లి తొందరగా అవుటయితే చాలా బాధపడేవాణ్ని. ఈ పరిస్థితులే.. అంకితభావంతో ఆడేలా, సవాళ్లను ఎదుర్కొనేలా నన్ను మానసికంగా సిద్ధం చేశాయి'అని రహానె అన్నాడు.