Posted: 05/10/2012 04:18 PM IST

వందో సెంచరీ భారం దించుకున్నాక బ్యాటింగ్ దిగ్గజం సచిన్.. ఎవరూ ఊహించనివిధంగా కొత్తకొత్త గెటప్‌లతో దర్శనమిస్తున్నాడు. ఇటీవల రాజ్యసభ నామినేషన్ పొంది ఎంపీగా అవతారమెత్తిన మాస్టర్ తాజాగా వెండితెరపై మెరవనున్నాడు. యాడ్స్ షూటింగ్‌ల్లో పాల్గొనడం సచిన్‌కు కొత్తకాకపోవచ్చుకానీ.. ఈ సారి బాలీవుడ్ సినిమా కోసం మెగా కెమెరా ముందు నటించబోతున్నాడు. విధు వినోద్ చోప్రా నిర్మిస్తున్న 'ఫెరారీ కి సవారీ' చిత్రంలో అతిధి పాత్ర పోషించేందుకు గ్రీన్ సిగ్నల్ ఇచ్చినట్టు సమాచారం. జూన్ 15న విడుదలయ్యే ఈ చిత్రంలో సచిన్ పేరును వాడుకోనున్నట్టు చోప్రా తెలిపారు. క్రికెట్ ఆడాలని కలలు కనే ఓ కుర్రాడి చుట్టూ కథ ఉంటుందని చెప్పారు.