Posted: 02/13/2012 08:55 PM IST

థామస్, ఉబెర్ కప్‌ల బరిలో ఉన్న భారత జట్టుకు ఏదీ కలిసిరావడంలేదు. సోమవారం నుంచి మొదలయ్యే ఈ పోటీలకు అసలే డ్రా అనుకూలంగా లేదనుకుంటే తాజాగా భారత ఏస్ షట్లర్ సైనా నెహ్వాల్ అనారోగ్యం పెద్ద సమస్యగా మారింది. వైరల్ ఇన్‌ఫెక్షన్‌తో బాధపడుతున్న సైనాపైనే భారత విజయావకాశాలు ఆధారపడివుంటాయి. ప్రస్తుతం సైనా తీవ్ర గొంతునొప్పితో బాధపడుతోంది. చైనా, మలేషియా లాం టి పటిష్టమైన జట్లతో కలిసి 'డబ్ల్యు' గ్రూప్‌లో మన అ మ్మాయిలు తలపడబోతున్నారు.

'ఢిల్లీ ఎయిర్‌పోర్ట్ చేరి న తర్వాత సైనా గొంతునొప్పితో బా« ద పడింది. కనీసం మాట్లాడలేకపోయిం ది' అని సైనా తండ్రి హర్వీర్ సింగ్ తెలిపారు. ఇక డబుల్స్ జోడీ గుత్తా జ్వాల, అశ్వనీ పొన్నప్పల ఆటకూడా అత్యంత కీలకం కానుంది. మరోవైపు థామస్ కప్ మొదటిదశలో పురుషుల జట్టు గ్రూప్ బీ లో ఇండోనేషియా, మలేషియా, మకావూ జట్లతో తలపడుతుంది.