Posted: 02/06/2012 08:48 PM IST

స్టయిలిష్ బ్యాటింగ్‌తో భారత్‌కు ఎన్నో చిరస్మరణీయమైన విజయాలనందించిన డాషింగ్ బ్యాట్స్‌మన్ యువరాజ్ సింగ్ ప్రస్తుతం కేన్సర్‌తో బాధపడుతున్నాడు. ఆల్‌రౌండ్‌షోతో భారత్‌ను విశ్వవిజేతగా నిలిపిన యువీ ఊపిరితిత్తుల కేన్సర్ బారినపడ్డాడు. జట్టు గెలుపుకోసం అహర్నిశలూ కష్టపడే ఈ ఆల్‌రౌండ ర్ ఇప్పుడు కేన్సర్ మహమ్మారిని జయించేందుకు పోరాడుతున్నాడు. గతంలో ఊపిరి తిత్తుల్లో గుర్తించిన కణితి.. కేన్సర్‌గా మారిందని అతని ఫిజియోథెరపిస్ట్ డాక్టర్ జతిన్ చౌదరి ఆదివారం తెలిపాడు.

ఊపిరితిత్తుల్లో కణితికి చికిత్స తీసుకుంటున్న యువీకి కేన్సర్ ఉన్నట్టు గుర్తించారు. దీంతో అతడు బోస్టన్ (అమెరికా)లోని కేన్సర్ రీసెర్చ్ ఇనిస్టిట్యూట్‌లో కీమోథెరపీ చికిత్స తీసుకుంటున్నాడని చౌదరి పేర్కొన్నాడు. అయితే యువీకి సోకిన వ్యాధి తీవ్రమైనదే అయినా స్టేజ్-1లోనే గుర్తించడంతో త్వరగానే నయమయ్యే అవకాశాలున్నాయని ఆయన తెలిపాడు. 'ఇది అరుదుగా ఏర్పడే కణితి. ఎడమ ఊపిరితిత్తిలో ఈ కణితి ఏర్పడింది. అది కేన్సర్‌గా మారింది. ఇది పగిలే అవకాశం ఉన్నందున ప్రమాదకరమే.