Posted: 01/27/2012 08:38 PM IST

డబుల్ టైటిల్ దిశగా పేస్ ఆస్ట్రేలియన్ ఓపెన్‌లో భారత వెటరన్ టెన్నిస్ స్టార్ లియాండర్ పేస్ 'డబుల్' టైటిల్ దిశగా సాగిపోతున్నాడు. రాడెక్ స్టెఫానెక్ (చెక్)తో కలిసి బరిలోకి దిగిన పేస్ పురుషుల డబుల్స్‌లో ఫైనల్‌కు చేరుకున్నాడు. ఇక మిక్స్‌డ్ డబుల్స్‌లోనూ ఎలీనా వెస్నీనా (రష్యా)తో కలిసి సెమీస్‌లో అడుగుపెట్టాడు. మాక్స్ మిర్ని (బెలారస్), డానియెల్ నెస్టర్ (కెనడా) జోడీతో జరిగిన సెమీస్‌లో పేస్, స్టెఫానెక్ ద్వయం 2-6, 6-4, 6-4తో విజయం సాధించింది. టైటిల్ పోరులో పేస్ జోడీ టాప్‌సీడ్ బ్రయాన్ బ్రదర్స్‌తో తలపడనుంది. ఇక మిక్స్‌డ్ డబుల్స్ క్వార్టర్ ఫైనల్లో పేస్, వెస్నీనా జంట 6-2, 6-2తో భారత్‌కు చెందిన రోహన్ బోపన్న, లీసా రేమండ్ (అమెరికా)పై వరుస సెట్లలో విజయం సాధించింది. కాగా, బాలికల డబుల్‌్రలో భారత అమ్మాయి రుతుజ భోంశ్లే పోరాటం ముగిసింది. అల్దియా సుజియాది (ఇండోనేసియా)తో బరిలో దిగిన రుతుజ సెమస్‌లో పరాజయం పాలైంది.