వర్మ-నాగ్ చిత్ర కోసం మరో నిర్మాత?

Posted: 11/02/2017 05:14 PM IST

పేరుకే కాంట్రవర్సీ అవుతున్న దర్శకుడు రామ్ గోపాల్ వర్మ చిత్రాలు ఈ మధ్య కాలంలో ఒక్కటీ ఆడిన దాఖలాలు లేవు. అయినా అవకాశాలు మాత్రం ఆయనకు వస్తూనే ఉన్నాయి. ప్రస్తుతం లక్ష్మీస్ ఎన్టీఆర్ ప్రాజెక్టులో బిజీగా ఉన్న వర్మ.. తర్వాత అక్కినేని నాగార్జునతో ఓ చిత్రాన్ని ప్రకటించిన విషయం తెలిసిందే.

శివ వచ్చిన 28 ఏళ్ల తర్వాత అన్నపూర్ణ స్టూడియోస్ లో అదే ప్రాంతంలో చిత్రం మొదలుపెట్టేందుకు సిద్ధమౌతున్నారు. అయితే ఇంతలో నాగ్ ఆర్జీవీకి ఊహించని షాక్ ఇఛ్చినట్లు ఓ వార్త చక్కర్లు కొడుతోంది. నిజానికి ఈ చిత్రానికి నిర్మాతగా వ్యవహరించేందుకు తొలుత నాగ్ ముందుకు వచ్చాడు. కానీ, వర్మ రీసెంట్ ట్రాక్ రికార్డులు ఓసారి పరిశీలించి ఆ ఆలోచన విరమించుకున్నట్లు తెలుస్తోంది.

అన్నపూర్ణ స్టూడియోలో కాకుండా ఇప్పుడు మరో నిర్మాణ సారథ్యంలో ఈ చిత్రం తెరకెక్కనుందన్నమాట. ఆ లెక్కన వర్మ ఇప్పుడు కొత్త నిర్మాతను వెతుక్కునే పనిలో పడ్డాడంట. మొత్తానికి నవంబర్ 20న చిత్ర షూటిగ్ మొదలుపెట్టి ఏప్రిల్ లో రిలీజ్ చేసేందుకు వర్మ సిద్ధమైపోతున్నాడు.