విక్రమ్ వేద రీమేక్ దగ్గుబాటి హీరోలు.. కన్ఫర్మ్ కాలేదు

Posted: 07/31/2017 04:29 PM IST

మల్టీస్టారర్ కు స్కోప్ ఉన్నప్పటికీ సరైన కథ దొరక్కే ఇంతకాలం వెయిటింగ్ లో ఉన్నామంటూ దగ్గుబాటి హీరోలు వెంకటేష్, రానాలు చెబుతూ వస్తుండటం చూశాం. మనం తరహాలో తాము ఓ ఫ్యామిలీ మూవీ చేయాలన్న ఫ్లాన్ లో ఉన్నామంటూ ఆ మధ్య చెప్పుకున్నప్పటికీ ఎందుకనో వర్కవుట్ కాలేదు. దీంతో ఆ టాపిక్ సైడ్ అయిపోయింది. విక్రమ్ వేద హిట్ నేపథ్యంలో మళ్లీ ఇప్పుడు మళ్లీ తెరపైకి వచ్చింది.

కోలీవుడ్ లో ఈ యేడాది ఒక్కటంటే ఒక్క బ్లాక్ బస్టర్ కూడా పడలేదు. మధ్యలో బాహుబలి ఒక్కటే అక్కడ, పవర్ పాండియన్ లాంటి చిత్రాలు లాభాలను తెచ్చిపెట్టాయే గానీ ఓ రేంజ్ హిట్ గా మాత్రం నిలవకలేకపోయింది. చివరకు రెండో సగంలో ఎమోషనల్ గ్యాంగ్ స్టర్ డ్రామాతోనే బంఫర్ హిట్ కొట్టింది. మాధవన్, విజయ్ సేతుపతి హీరోలుగా వచ్చిన చిత్రం విక్రమ్ వేద కు ఇప్పుడు కలెక్షన్ల వర్షం కురుస్తోంది. తమిళనాటే కాదు.. ఓవర్సీస్ లోనూ కలెక్షన్లు ఓ రేంజ్ లోనే ఉన్నాయి.

ఇక తెలుగులో ఈ సినిమాను వెంకటేశ్, రానా కథానాయకులుగా ఈ మల్టీ స్టారర్ తెరకెక్కనుందనే టాక్ బయలుదేరింది. సురేశ్ ప్రొడక్షన్స్ బ్యానర్ పై ఈ సినిమా వుండనుందనే విషయం మరింత ఆత్రుతను పెంచుతోంది. మాధవన్ ఎంకౌంటర్ స్పెషలిస్ట్ గా, విజయ్ సేతుపతి గ్యాంగ్ స్టర్ గా అదరగొట్టేశారు. అయితే రియాల్టీకి దగ్గరగా ఉండే ఈ సబ్జెక్టును దగ్గుబాటి హీరోలు ఆ ఎమోషన్ ను కంటిన్యూ చేస్తేనే సినిమా హిట్ అయ్యే ఛాన్స్ ఉంటుంది. ఇంతవరకు అఫీషియల్ గా అనౌన్స్ మెంట్ రాకపోవటం, రానా బిజీ షెడ్యూల్ నేపథ్యంలో సినిమా ఇప్పటికిప్పుడు తెరకెక్కటం కష్టమే అనుకోవచ్చు.