డ్రగ్ మాఫియాలో డైరక్టర్.. కుట్ర కోణం

Posted: 07/04/2017 02:48 PM IST

ప్రస్తుతం హైదరాబాద్ ను షేక్ చేస్తున్న డ్రగ్ మాఫియాలో టాలీవుడ్ కు చెందిన పలువురు ప్రముఖుల పేర్లు బయటకు రావటం తెలిసిందే. నిన్నటి విచారణలో టాలీవుడ్ కు చెందిన ఓ బడా నిర్మాత ఉన్నాడన్న వార్త షాక్ కు గురిచేసింది. ఇక ఇప్పుడు ఓ స్టార్ డైరక్టర్ పేరు కూడా బయటకు వచ్చేయటంతో ఎవరా? అన్న ప్రశ్నలు మొదలయ్యాయి.

ఎల్ఎస్డీ డ్రగ్స్ ను వాడే ఆ దర్శకుడు అది తనకోసమే విక్రయిస్తున్నాడా? లేక ఎవరి కోసమైనానా? అన్న కోణంలో విచారణ మొదలుపెట్టినట్లు చెప్పుకుంటున్నారు. అయితే ఈ వార్తలో ఎంత వరకు నిజం ఉన్నది అన్నదానిపై ఎక్కడా క్లారిటీ లేదు. పోలీసులు కూడా దీనిపై ఇంతవరకు ప్రకటన చేయలేదు. అయినా ఆ డైరక్టర్ ప్రస్తావన అసలు ఎందుకు బయటికి వచ్చింది అన్నదానిపై ఓ లుక్కేస్తే... దీని వెనకాల నిన్న పేరు బయటకు వచ్చిన నిర్మాత హ్యాండ్ ఉందన్న మరో ఆరోపణ వినిపిస్తోంది.

డ్రగ్స్ పరఫరా చేస్తున్న కెల్విన్ తో రెగ్యులర్ గా టచ్ లో ఉండే నిర్మాతకు, ఇప్పుడు పేరు వస్తున్న దర్శకుడికి గతంలో ఓ సినిమా విషయంలో వివాదం ఉందంట. తన పేరు ఎలాగూ బయటకు వస్తోంది కదా అన్న ఉద్దేశ్యంతో పని గట్టుకుని మరీ ఆ స్టార్ డైరక్టర్ పేరును లీక్ చేస్తున్నాడని చెబుతున్నారు. ప్రతీ సినిమాకు హీరోయిన్లతో అఫైర్లు మెయింటెన్ చేసే ఈ 10 కోట్ల రెమ్యునరేషన్ తీసుకునే దర్శకుడు, సినిమాను చాపలాగా చుట్టేయటం, పైగా ఓ సీనియర్ హీరోతో కూడా సినిమా తీస్తున్నాడనే హింట్లు బయటకు వచ్చేయటంతో.. అదెవరో చెప్పకనే చెప్పినట్లయ్యిందని ఫిల్మ్ నగర్ ఓపెన్ గానే మాట్లాడుకుంటోంది.