మీలో ఎవరు కోటీశ్వరుడు.. చిరు గుడ్ బై?

Posted: 05/25/2017 03:06 PM IST

దాదాపు పదేళ్ల తర్వాత మెగాస్టార్ అభిమానులను అలరిస్తూ ఖైదీ గా ముందుకు వచ్చాడు. అది చాలదన్నట్లు బుల్లితెరపై అప్పటికే క్రేజీ షోగా ఉన్న మీలో ఎవరు కోటీశ్వరుడికి హాస్ట్ గా వ్యవహరించాడు. దీంతో షో ఎక్కడికో వెళ్లిపోతుందని భావించిన వాళ్లకి పెద్ద షాకే తగిలింది. మినిమమ్ టీఆర్పీ రేటింగ్ కూడా రాబట్టలేకపోయింది. అసలు టాప్ 10 లిస్ట్ లో కూడా ఎంఈకే లేదంటే పరిస్థితి ఎంత దారుణంగా మారిపోయిందో అర్థం చేసుకోవచ్చు.

మధ్య మధ్యలో సెలబ్రిటీలతో సందడి చేసినా ఆసక్తికరంగా షోను చిరు నడపలేకపోయాడు. చివరకు ఆయనలో కూడా ఇంట్రెస్ట్ పోయిన విషయం ఎవరికైనా అర్థం అయిపోతుంది. భారీ రెమ్యునరేషన్ తో కమిట్ మెంట్ కారణంగా ఏదో తూతూ మంత్రంగా షోను మొత్తానికి పూర్తి చేశాడు. షో ఒకవేళ భయంకరంగా క్లిక్ అయి ఉంటే తర్వాతి సీజన్లు కూడా ఆయనతో నడపాలని భావించిన నిర్వాహకులకు పూర్ రేటింగ్ కోలుకోలేని దెబ్బ వేసింది. దీంతో చిరుతో షోను క్లోజ్ చేసేందుకు సిద్ధమైపోయారు.

తర్వాతి సీజన్ లో చిరు కనిపించకపోవటం దాదాపు ఖరారైనట్లే. అయితే తిరిగి నాగ్ తోనేనా? లేక మరేయితర స్టార్ తోనైనా నడిపే ఫ్లాన్ లో ఉన్నారంట నిర్వాహకులు. ఏది ఏమైనా జరిగిన డ్యామేజ్ కు మరో ఆరునెలలపాటు కొత్త సీజన్ ను ప్రారంభించే ఆలోచనలోనే లేరంట నిర్వాహకులు.