ఆర్థిక కష్టాలతోనే రీఎంట్రీ ఇచ్చిందా?

Posted: 04/04/2017 02:24 PM IST

టాలీవుడ్ లో ఒకప్పుడు అగ్రహీరోలతో పక్కన నటించిన హీరోయిన్ ప్రస్తుత వ్యవహారం గురించి ఫిల్మ్ నగర్ లో హాట్ డిస్కషన్ నడుస్తోంది. ఈ మధ్యే రీఎంట్రీ ఇచ్చిన ఆవిడగారు పీకల లోతు ఆర్థిక కష్టాల్లో కూరుకుపోవటం మూలంగానే మళ్లీ మేకప్ వేసుకున్నారన్న పుకార్లు షికారు కొడుతున్నాయి.

2000 నుంచి ఆ హీరోయిన్ హవా మొదలుకాగా, వెంకటేష్, నాగార్జున, పవన్, మహేష్, బాలీవుడ్ లో సల్మాన్ ఇలా దాదాపు టాప్ హీరోలందరితో యాక్ట్ చేసింది. కెరీర్ పీక్స్ లో ఉండగానే లవ్ మ్యారేజ్ చేసుకుని సినిమాలకు దూరమైంది. ఆవిడ భర్త కూడా ఓ సెలబ్రిటీ ఫిగరే. ఆపై సొంతంగా సినిమాలు తీసి చేతులు కాల్చుకున్న ఆవిడగారు తర్వాత మళ్లీ సినిమాల వైపు కన్నెత్తి చూడలేదు.

అయితే ఆర్థిక కష్టాలు అంతకంతకూ పెరిగిపోతూ సుమారు 10 కోట్ల దాకా చేరుకోవటంతో మళ్లీ మేకప్ వేసుకుని కెమెరా ముందుకు వచ్చేందుకు సిద్ధమైంది. మొన్నామధ్యే ఓ బాలీవుడ్ సినిమాలో అక్క పాత్రలో మెరిసిన ఆ హీరోయిన్ కు అంతగా గుర్తింపు రాలేదు. అయినా ప్రయత్నాలు మానకుండా తన ఏజ్ కు తగ్గట్లు అక్కా.. వదిన పాత్రలకు రెఢీ అంటూ సిగ్నల్స్ ఇచ్చేసింది. తెలుగులో వరుసగా హిట్లతో ఫామ్ లో ఉన్న ఓ యంగ్ హీరో సినిమాలో ఓ ఇంపార్టెట్ రోల్ చేస్తోంది కూడా. కథ నచ్చిందనే అని కలరిచ్చినప్పటికీ ఆర్థిక సమస్యలతోనే ఆమె మళ్లీ యాక్టింగ్ చేస్తున్నది మాత్రం స్పష్టంగా అర్థమైపోతుందని గుసగుసలాడుకుంటున్నారు.