పవన్-రాజమౌళి మూవీ ఫిక్స్?

Posted: 04/01/2017 10:38 AM IST

ఐదు రోజుల క్రితం డైరక్టర్ వర్మ ఓ ఇంట్రెస్టింగ్ ట్వీట్ చేయటం టాలీవుడ్ లో పెద్ద డిస్కషన్ కే దారితీసింది. పవర్ స్టార్ పవన్ కళ్యాణ్-రాజమౌళి కాంబినేషన్ లో ఓ సినిమా వస్తే రికార్డులు బద్ధలు అవ్వటం ఖాయం అని.. అవును... వన్ మెన్ షోగా సినిమాలను నిలబెట్టి కలెక్షన్లు రాబట్టే పవన్, సినిమా కోసం అహర్నిశలు కష్టపడి బ్లాక్ బస్టర్లు అందించే దర్శకధీరుడు ఈ ఇద్దరి కాంబో నిజంగానే బాక్సాపీస్ ను షేక్ చేస్తుందనటంలో ఎలాంటి సందేహం అక్కర్లేదు. పంజా ఆడియో పంక్షన్ సమయంలో పవన్ తో సినిమా ఎప్పుడెప్పుడా అని తాను ఎదురుచూస్తున్నానని రాజమౌళి, నాకు ఒక సినిమా చేసి పెట్టమని నేను ఎప్పుడు ఏ డైరెక్టర్ ని చేయి చాచి అడగలేదు ఇప్పుడు రాజమౌళిని అడుగుతున్నాను అంటూ పవన్ చెప్పటం హైలెట్ అయ్యాయి.

కానీ, బాహుబలితోనే ఆరేళ్లు గడిపేసిన రాజమౌళి, తన సినిమాలతో పవన్ బిజీ అయిపోవటంతో ఆ టాపిక్ సైడ్ అయిపోయింది. ఇక ఇప్పుడు సినిమాల నుంచి ఫ్రీ కావటంతో నెక్స్ట్ ప్రాజెక్ట్ అదేనన్న వార్త ఒకటి చక్కర్లు కొడుతోంది. అవును.. 2019 ఎన్నికల్లో జనసేన పార్టీని దృష్టిలో పెట్టుకుని ఫస్ట్ టైం ఓ పొలిటికల్ టచప్ ఉన్న సబ్జెక్ట్ తో రాజమౌళి సినిమా తీయబోతున్నాడంట. ఇందుకోసం కథ కూడా సిద్ధం చేసుకుంటున్నాడని టాక్ వినిపిస్తోంది. మాస్ పల్స్ కరెక్ట్ గా పట్టగలిగే రాజమౌళి అయితేనే అందుకు సరిగ్గా సరిపోతాడని భావించిన పవన్ అందుకు గ్రీన్ సిగ్నల్ కూడా ఇచ్చినట్లు తెలుస్తోంది. పైగా ఇంకో గ్రాండ్ న్యూస్ ఏంటంటే... బాహుబలి-2 రిలీజ్ రోజునే ఈ చిత్ర ముహుర్తం కూడా లాంఛ్ చేయబోతున్నారంట.

కథకు తగ్గట్లే ‘చాణక్యుడు’ అన్న పవర్ ఫుల్ టైటిల్ ను ఇప్పటికే బాహుబలి నిర్మాణ సంస్థ ఆర్కా మీడియా ఫిల్మ్ ఛాంబర్ లో రిజిస్ట్రర్ చేయించినట్లు టాక్. బాహుబలి తర్వాత కూడా రెండు చిత్రాలు ఈ నిర్మాణ సంస్థలతోనే జక్కన్న కమిట్ అయిన విషయం తెలిసిందే కదా. అందుకే పవన్ తో ఈ భారీ పొలిటికల్ మూవీని తీసేందుకు ముందుకు వచ్చింది. మొత్తానికి టాలీవుడ్ లో మరో క్రేజీ కాంబో సంచలనాలకు రెడీ అయిపోతుందన్న మాట. అయితే ఇప్పటిదాకా చెప్పుకున్నదంతా ఏప్రిల్ ఫూల్ కథనంగా చెబుతున్నందుకు క్షమించాలి. ఇప్పటికిది నిజం కాకపోయినప్పటికీ, భవిష్యత్తులో అది నిజం కాబోయే అవకాశంను కొట్టిపారేయలేం.