స్టార్ హీరో అయ్యేందుకు సాయి సూపర్ ప్లాన్

Posted: 02/13/2017 12:17 PM IST

ఓ హీరోకు స్టార్ డమ్ రావటం అనేది మాములు విషయం కాదు. దాని వెనుక ఏళ్ల తరబడి కష్టం, కఠోర శ్రమ ఖచ్ఛితంగా ఉండాల్సిందే. ఈ మధ్య వారసులుగా ఎంట్రీ ఇచ్చి స్టార్ హీరోలు అని చెప్పుకుంటున్నప్పటికీ వారి క్రేజ్, సినిమాలు చేసే బిజినెస్, కలెక్షన్లు ఎలాంటి హీరోకైనా కొలమానంగా ఉంటాయనేది ప్రత్యేకంగా చెప్పనక్కర్లేదు. అదే సమయంలో ఏ బ్యాగ్రౌండ్ లేకుండా స్వశక్తితో పైకొచ్చిన రవితేజ, నాని లాంటి వాళ్లకు పాతిక కోట్ల హీరోలుగా మారటానికి చాలా టైమే పట్టింది.

అయితే మెగా మేనల్లుడు సాయి ధరమ్ తేజ్ మాత్రం స్పెషల్ అనే చెప్పుకోవాలి. ఓవైపు వారసత్వం, మరో వైపు ఓన్ టాలెంట్.. పైగా మద్యలో దిల్ రాజు లాంటి స్టార్ ప్రోడ్యూసర్ మూలానో ఏమో కేవలం మూడు నాలుగు సినిమాలతోనే ఓ స్టార్ హీరోగా అవతారం ఎత్తేశాడు. అంతేకాదు సుప్రీం హీరో ట్యాగ్ లైన్ తో పాతిక కోట్ల హీరోగా మారిపోయాడు. ఇక ఇప్పుడు ఆ పరిధిని పెంచుకునే పనిలో పడ్డాడంట.

త్వరలోనే స్టార్ దర్శకుడు వివి వినాయక్ తో ఓ సినిమా చేయాలన్న ఫ్లాన్ లో ఉన్నాడంట. నిజానికి ఖైదీ నంబర్ 150 కన్నా ముందే వినాయక్ తేజు కోసం ఓ స్క్రిప్ట్ రెడీ చేసుకున్నాడు. వినాయక్ లాంటి దర్శకుడితో ఛాన్సు కావటంతో తాను అప్పటికే కమిట్ అయిన కథలను కూడా సాయి వెయిటింగ్ లిస్ట్ లో పెట్టాడంట. అయితే హఠాత్తుగా ఖైదీ తెర మీదకు రావటంతో ఆ ప్రయత్నం వాయిదా పడింది. ఆపై బాలయ్యతో ఓ సినిమా చేసేందుకు సన్నాహాలు చేసుకుంటున్న వినాయక్ హఠాత్తుగా దాని పక్కనపెట్టి సాయి ప్రాజెక్టును ఆచరణలోకి తెచ్చేందుకు యత్నిస్తున్నాడంట. అదే జరిగితే 50 కోట్ల క్లబ్ లోకి చేరిపోవటమే కాదు, ఏకంగా మెగా హీరోలకే టఫ్ కాంపీటీటర్ గా ఈ సుప్రీం హీరో మారతాడనటంలో ఎలాంటి సందేహం అక్కర్లేదు.