తెలుగు జాతి ఆత్మగౌరవాన్ని చాటిన నటుడు, స్వర్గీయ నందమూరి తారకరామా రావు బయోపిక్ అనౌన్స్ మెంట్ ఇలా జరిగిందో లేదో.. అప్పుడే వివాదాస్పద అంశాల గురించి చర్చించటం ప్రారంభించారు కొందరు. సీఎం చంద్రబాబు ను ఎలా చూపిస్తారు? లక్ష్మీ పార్వతిని ఏ కోణంలో ప్రజెంట్ చేయబోతున్నారు? అసలు ఎన్టీఆర్ కోణంలోని చీకటి విషయాలు వెలుగులోకి తెచ్చే ధైర్యం చేస్తారా? అన్న ప్రశ్నలు ఉద్భవించాయి. ఇక సహవ్యవస్థాపకుడు, మాజీ సీఎం నాదెండ్ల భాస్కర రావు అయితే సినిమాలో తనను విలన్ గా చూపిస్తే ఎన్టీఆర్ జీవితంలోని సీక్రెట్లను బయటపెడతానంటూ ఓపెన్ గానే చెప్పేశాడు.
ఈ నేపథ్యంలో సినిమాకి కమిట్ అయిన బాలయ్య చాలా జాగ్రత్తగా స్క్రీప్ట్ ను రూపొందించుకోవాల్సిన అవసరం ఎంతైనా ఉంది. అయితే రాజకీయాల జోలికి పోకుండా కేవలం సినిమాలతోనే సరిపెడితే మంచిందని, ఎలాంటి వివాదాలు చెలరేగవని చెబుతున్నారు కొందరు. ఇక కత్తి మీద సాములాంటి ఈ కథను డీల్ చేసే సత్తా ఎవరికి ఉందన్నదానిపై ఇప్పుడు అసలు డిస్కషన్. ఈ మేరకు దర్శకుడి రేసులో పలువురి పేర్లు తెరపైకి వస్తున్నాయి.
అందులో ఒకరు పూరీ జగన్నాథ్. ఇంతవరకు బాలయ్యతో పని చేయని పూరీ అయితే రేర్ కాంబోగా ఉంటుందని, పైగా ఈ జనరేషన్ కి తగ్గట్లు కథను రూపొందించటంలో మంచి పనితనం ఉండటంతో అతనికే అప్పజెప్పేందుకు సిద్ధమైపోయాడని చెప్పుకున్నారు. కానీ, బయోపిక్ అంటే కథను పూర్తిగా స్టడీ చేయాల్సి ఉంటుంది. మూడు నెలలో సినిమాను చాపలా చుట్టేసి పూరీకి అది కుదరని పని.
ఇక మరో దర్శకుడు, ల్యాండ్ మార్క్ చిత్రాన్ని అందించిన క్రిష్ పేరు కూడా తెర మీదకు వచ్చింది. పూరీ లాంటి పేరే వినిపించినప్పుడు క్రిష్ పేరును ఎందుకు పరిశీలించకూడదని పలువురు చెబుతున్నారు. అయితే ఎన్టీఆర్ బయోపిక్ ఓ కమర్షియల్ చిత్రంలా కాకుండా రియాలిటీకి దగ్గరగా ఉండాల్సిన అవసరం ఉంది. అందుకే ఎవరైనా సీనియర్ దర్శకుడి చేతిలోనే కథ పడితే బావుంటుందన్న ఆలోచనకు వచ్చినట్లు తెలుస్తోంది.
దీంతో తెరపైకి ఇప్పుడు అనుహ్యంగా రాఘవేంద్రరావు పేరు వచ్చింది. వెటరన్ దర్శకుడు అయిన రాఘవేంద్రరావు ఎన్టీఆర్, బాలయ్య ఇద్దరితో సినిమాలు తీసిన అనుభవమే కాదు, లెజెండరీ నటుడిని చాలా క్లోజ్ గా పరిశీలించిన వ్యక్తుల్లో ఒక్కడు. ఆయన ఇమేజ్ ను ఎలా ఎలివేట్ చేయాలో దర్శకేంద్రుడికి బాగా తెలిసి ఉంటుంది. దీనికి తోడు రాఘవేంద్రరావుకు టీడీపీతో సత్సంబంధాలు ఉన్నాయి. అందుకే ఎలాంటి
వివాదాలు లేకుండా సినిమాను సరిగ్గా డీల్ చేయగలిగేది ఆయన ఒక్కడేనన్న నిర్ణయానికి వచ్చినట్లు సమాచారం. నమో వేకంటేశాయ రిటైర్ మెంట్ అని ప్రకటించిన రాఘవేంద్రరావు, మరోక సినిమాకు దర్శకత్వం వహించి రిటైర్ అవుతానని చెప్పిన విషయం తెలిసిందే. ఈ నేపథ్యంలో ఆ సినిమా ఎన్టీఆర్ బయోపిక్ అంటూ వార్తలు వస్తున్నాయి. త్వరలో దీనిపై అధికార ప్రకటన రావాలనే ఆశిద్దాం.
(And get your daily news straight to your inbox)
Jun 18 | మెగా డాటర్, సినీనటుడు, నిర్మాత, రాజకీయ నేత, మెగా బ్రదర్ నాగబాబు గారాలపట్టి నిహారిక కొణిదెల వివాహంపై మళ్లీ వార్తలు జోరందుకున్నాయి. అందుకు కారణం నిహారిక తాజాగా తన సోషల్ మీడియా అకౌంట్ లో... Read more
Aug 16 | రెబల్ స్టార్ ప్రభాస్.. టాలీవుడ్ మోస్ట్ ఎలిజబుల్ బ్యాచిలర్ గా ఎంతోమంది అమ్మాయిల ఫాలోయింగ్ పొందిన ఈ హీరో పెళ్లి విషయం ఇప్పుడు సోషల్ మీడియాలో హాట్ టాపిక్ గా మారింది. ‘బాహుబలి’తో ప్రపంచవ్యాప్తంగా... Read more
Jul 30 | దీపం వుండానే ఇళ్లు చక్కబెట్టుకోవాలన్నది పాత సామేతే అయినా దీన్ని సినీ ఇండస్ట్రీ వాళ్లు ఒంటబట్టించుకున్నట్లుగా ఎవ్వరూ చేయలేరన్నది అతిశయోక్తి కాదు. సక్సెస్ రోడ్డులో నడుస్తున్నప్పుడే నాలుగు రాళ్లు వెనకేసుకోవాలనే ఆశ ఇండస్ట్రీలో కామన్.... Read more
May 28 | జనసేన అధినేత పవర్ స్టార్ పవన్ కల్యాణ్ సినిమాలను పక్కన పెట్టేసి, రాజకీయాలకే పూర్తి సమయాన్ని కేటాయించిన విషయం తెలిసిందే. ఎన్నికల నేపథ్యంలో తాను మళ్లీ సినీరంగం వైపు రానని కూడా చెప్పారు. ఎన్నికల... Read more
May 11 | సూపర్ స్టార్ మహేష్ నటించిన మహర్షి అద్భుత వసూళ్లు సాధిస్తున్న సంగతి తెలిసిందే. క్రిటిక్స్ నుంచి లాజిక్ లెస్ అంటూ కొన్ని విమర్శలు వచ్చినా ఈ సినిమా బాక్సాఫీస్ వద్ద చక్కని వసూళ్లు సాధిస్తోంది.... Read more