ఎన్టీఆర్-మహేష్ ఎందుకు చెడిందంటే...

Posted: 11/15/2016 12:49 PM IST

టాలీవుడ్ అగ్రహీరోల మధ్య పోటాపోటీ ఉన్నప్పటికీ వ్యక్తిగతంగా మాత్రం వారు కలుసుకున్నప్పుడు మీటింగ్ లు భలేగా ఉంటాయి. పవన్-మహేష్ లాంటి టాప్ హీరోలే కాదు, ఆ తర్వాతి రేసులో ఉన్న బన్నీ, ఎన్టీఆర్, చెర్రీ, ప్రభాస్ వీళ్లు కూడా మంచి ఫ్రెండ్ షిఫ్ మెయింటెన్ చేస్తుంటారు. అయితే మహేష్ కి ఎన్టీఆర్ కి మాత్రం కాస్త గ్యాప్ ఉంటుందనే చెప్పుకోవచ్చు. ఎక్కడా కూడా ఒకరి ప్రస్తావన మరోకరి నోటి వెంట రాదు. దీనికి ఓ కారణమంటూ ఓ పుకారు ఇప్పుడు బయలుదేరింది.

రామయ్య వస్తావయ్యా.. సినిమా స్టార్ట్ కాకముందు ఒకసారి మహేష్-హరీష్ శంకర్ లు ఓ పార్టీలో కలుసుకున్నారంట. అక్కడ మాటల్లో మహేష్ హరీష్ తో ‘‘నీ తర్వాతి సినిమా బుడ్డొడితోనేనంట కదా!’’ అన్నాడంట. అంతే హరీష్ ఆ విషయాన్ని అలాగే తీసుకెళ్లి ఎన్టీఆర్ దృష్టికి తీసుకెళ్లాడంట. అంతే సినిమా కమిట్ అయిన విషయాన్ని బయటకు లీక్ చేయటంతోపాటు, బుడ్డొడు అన్న కామెంట్ కి జూనియర్ హర్ట్ అయ్యాడని తెలుస్తోంది.

ఆపై సినిమాలో దానిపై సెటైర్ వేస్తూ ఓ డైలాగ్ కూడా పేల్చాడని(ఎవడు పడితే వాడు బుడ్డొడు.. బుడ్డొడు.. అంటే గుడ్డలూడదీసి కొడతా...), అప్పటి నుంచి ఇద్దరి మధ్య సరిగ్గా మాటలు కూడా ఉండటం లేదని చెబుతుంటారు. అయితే ఎన్టీఆర్ టెంపర్ టైంలో అభినందించిన వాళ్లలో మహేష్ కూడా ఉన్నాడు. అంతేకాదు నాన్నకు ప్రేమతో.. టైంలో తారక్ స్టైలిష్ గెటప్ పై ప్రిన్స్ ప్రశంసలు కూడా కురిపించాడు. మరి అలాంటప్పుడు ఈ బుడ్డొడు సీన్ అంతా ఉత్తదేననేది మరో వాదన ఉంది.