స్టార్ కమెడియన్ బ్లాక్ మనీ ఉత్తదేనా?

Posted: 11/16/2016 03:36 PM IST

టాలీవుడ్ లో ప్రస్తుతం స్టార్ కమెడియన్ గా చెలామణి అవుతున్న ఓ నటుడు తన దగ్గర ఉన్న డబ్బును మార్చుకునేందుకు అపసోపాలు పడుతున్నాడన్న వార్తలు ప్రస్తుతం ఫిల్మ్ నగర్ లో చక్కర్లు కొడుతున్నాయి. దాదాపు అర కోటి దాకా లెక్కల్లో లేని డబ్బును మార్చేందుకు ఆయనగారు అపసోపాలు పడుతున్నారన్నదే ఇప్పుడు హాట్ టాపిక్ గా నడుస్తోంది.

కర్ణాటకకు చెందిన ఓ ప్రముఖుడి ఇంట్లో వేడుకలో సందడి చేసేందుకు సుమారు 20 లక్షల దాకా ఆయనకు ముట్టజెప్పినట్లు తెలుస్తోంది. ఇందుకోసం కన్నడకు చెందిన ఓ స్టార్ కమెడియన్ మధ్యవర్తిత్వం కూడా వహించాడు. అయితే ప్రధాని మోదీ తీసుకున్న హఠాత్ నిర్ణయంతో ఏం చేయాలో పాలుపోక తల పట్టుకుని కూర్చున్నాడంట. అంతా బ్లాక్ లో జరిగిన వ్యవహారమే కావటంతో డైలామాలో ఉన్నాడని తెలుస్తోంది.  

ఏది ఏమైనా ఆ కార్యక్రమంకు హాజరయ్యేందుకు సిద్ధమైన ఆ స్టార్ కమెడియన్ హడావుడి ముగిశాక మెల్లిగ ఎలాగోలా వాటిని మార్చే ప్రయత్నం చేయాలని అనకుంటున్నాడని చెబుతున్నారు. అయితే ఈ మధ్యలో ఓ పాతిక కోట్ల హీరో, మరో హీరో డబ్బుతో బంగారం కొన్నాడని, ఇంకో హీరోయిన్ అయితే పాపం బ్రోకర్ కమీషన్ తో పాపం లాస్ అయ్యిందని ఇలా పుకార్లు వచ్చాయి. ఆ లెక్కన ఈ కమెడియన్ వార్త కూడా ‘గాలి’ వార్త కాదు కదా.