మెగా డాటర్ ను ఈ ఇరికించడమేంటి?

Posted: 08/31/2016 03:15 PM IST

మెగా స్టార్ 150వ చిత్రం ఖైదీ నంబర్ 150 సంబంధించి ఓ వార్త ఇప్పుడు ఫిల్మ్ నగర్ లో హల్ చల్ చేస్తోంది. చాలా గ్యాప్ తర్వాత నటిస్తున్న చిత్రం కావటంతో కొన్ని సర్ ప్రైజింగ్ ఎలిమెంట్స్ జత చేయాలని నిర్మాత రాంచరణ్ భావిస్తున్నాడు. ఈ మేరకు దర్శకుడు వివి వినాయక్ కు అల్రెడీ కొన్ని సూచనలు కూడా చేశాడంట. ఇప్పటికే ఇందులో రాంచరణ్ తోపాటు మరో ఇద్దరు మెగా వారుసులు కనిపించే ఛాన్స్ ఉండగా, ఇప్పుడు మెగా డాటర్ నిహారిక ఓ ప్రత్యేక పాత్రలో నటించబోతుందని సమాచారం అందుతోంది.

ఒక మనసు' సినిమాతో కథానాయికగా వెండితెరకు పరిచయమైన నాగబాబు తనయ నిహారిక తన పెదనాన్న చిత్రంలో నటిస్తున్న వార్తలో అధికారిక ప్రకటన లేకపోయినప్పటికీ ఈ వార్త ఇప్పుడు మీడియాలో హైలెట్ గా మారుతోంది. చిన్న పాత్ర పోషించాలన్న ఆకాంక్షను నిహారిక వ్యక్తం చేయడంతో, కథలో ఇమిడిపోయే విధంగా ఓ గెస్ట్ పాత్రను క్రియేట్ చేయాల్సిందిగా చిత్ర దర్శకుడికి చెప్పినట్టుగా వార్తలొస్తున్నాయి. అయితే ఆ రోల్ ఏంటా అన్నది ప్రస్తుతానికి సస్పెన్స్ గా ఉంచాలని యూనిట్ భావిస్తోందట.

అయితే సినిమాకు తగ్గట్లు క్యారెక్టర్లు తీసుకోవటం అన్నది పోయి కేవలం పాత్రల కోసం సినిమాలో మార్పులు చేయటం కరెక్ట్ కాదని కొందరు సూచిస్తున్నారు. మరోవైపు ఈ చిత్రం షూటింగ్ హైదరాబాదు పరిసరాల్లో ముమ్మరంగా జరుగుతున్న సంగతి తెలిసిందే. ఏదేమైనా నిహారిక చిరు సినిమాలో అన్న వార్త వాస్తవమైతే కనుక మెగా ఫ్యాన్స్ కు పండగే కదా!