కొరటాల స్టేట్ మెంట్ తో కలకలం రేగిందా?

Posted: 09/08/2016 05:28 PM IST

వరుసగా మిర్చి, శ్రీమంతుడు, జనతా గ్యారేజ్ హ్యాట్రిక్ బ్లాక్ బస్టర్లతో స్టార్ దర్శకుడి లిస్ట్ లో చేరిపోయాడు దర్శకుడు కొరటాల శివ. డైరక్టర్ గా మారక ముందు మంచి రచయిత కూడా పలు హిట్ కథలను కూడా అందించిన విషయం తెలిసిందే. అయితే ఓ సినిమా విషయంలో జరిగిన వ్యవహారం లేవనెత్తటం ఇప్పడు ఫిల్మ్ నగర్ లో హాట్ డిబెట్ కి దారితీసింది.

కొరటాల శివ తాజాగా ఒక టీవీ ఛానల్ లో పాల్గొన్నాడు. దాదాపు గంటకు పైగా సాగే ఈ కార్యక్రమంలో పలు ఆసక్తికర విషయాలు చెప్పుకొచ్చాడు. ఇదే సమయంలో తనపై కొరటాల చేసిన వ్యాఖ్యలపై బోయపాటి గరం గరం గా ఉన్నాడని తెలుస్తోంది. ఇంతకీ విషయం ఏంటంటే... బోయపాటి దర్శకత్వంలో వచ్చిన సింహ సినిమాకి కథ, మాటలు రాసింది తానేనని కొరటాల చెప్పాడు. అయితే కథ, మాటలు ఈ రెండింటిలో ఏదో ఒక దానికి మాత్రమే కొరటాల పేరు వేస్తానని బోయపాటి చెప్పారంట.

దీంతో హర్టయిన కొరటాల అసలు తన పేరునే వేయొద్దని చెప్పాడంట. దీంతో బోయపాటి నిజంగానే కొరటాల పేరును స్క్రీన్ పై వాడలేదంట. ఈ విషయం ఇప్పుడు అనవసరమైనప్పటికీ, ఎప్పడో జరిగిన విషయాన్ని ఇప్పుడు లేవనెత్తి తనను అవసరంగా ఇబ్బందులకు గురిచేస్తున్నాడని బోయపాటి సీరియస్ గా వున్నాడని తెలుస్తోంది. దీంతో ఇద్దరు దర్శకుల మధ్య వివాదం ముదరకుండా సినీ పెద్దలు రంగంలోకి దిగి వ్యవహారం చక్కదిద్దే ప్రయత్నంలో ఉన్నట్లు గుసగుసలు వినిపిస్తున్నాయి.