బాహుబలికి మిస్సయినా....

Posted: 07/08/2016 01:37 PM IST

Nathan jones not in gauthamiputra satakarni

బాలయ్య వందో చిత్రం గౌతమ పుత్ర శాతకర్ణి భారీగా తెరకెక్కిస్తున్నాడు దర్శకుడు క్రిష్. ప్రస్తుతం క్లైమాక్స్ చిత్రీకరణ కోసం జార్జియాలో తలమునకలై ఉన్నారు. అదే సమయంలో అన్ని భాషల్లో ప్రాధాన్యం ఉన్న నటులను, టెక్నిషియన్లను వాడుకోవటం ద్వారా అందరి దృష్టి ఆకర్షించాలని ప్రయత్నిస్తున్నాడు. ఇందుకోసం హేమామాలిని, కబీర్ ఖాన్ లాంటి పాపులర్ నటీనటులను అల్రెడీ తీసేసుకున్నాడు కూడా. తాజాగా అందుతున్న సమచారం ప్రకారం ఇందులో హాలీవుడ్ నటుడు నాథన్ జోన్స్ కూడా నటించబోతున్నాడన్న వార్త హల్ చల్ చేస్తోంది.

ఆస్ట్రేలియాకు చెందిన ఈ స్టార్ నటుడు బ్లాక్ బస్టర్ చిత్రాలైన 'ట్రాయ్', 'మ్యాడ్ మాక్స్ ప్యూరి రోడ్' లలో నటించాడు. గతేడాది తమిళంలో బాక్సింగ్ నేపథ్యంలో జయం రవి హీరోగా వచ్చిన 'భూలోగం' అనే సినిమాలో విలన్ గా నటించాడు. అంతేకాదు ఆ మధ్య 'బాహుబలి-2'లో ఓ కీలక పాత్రకు ఎంపిక చేసినట్టు వార్తలు వచ్చినా అవి నిజం కాదని రాజమౌళి ఖండించాడు. ఇక ఇప్పుడు బాలయ్యకి విలన్ కి ఆయన్ని తీసుకున్నట్లు వార్తలు వస్తున్నాయి..

ప్రస్తుతం జార్జియాలో జరుగుతున్న క్లైమాక్స్ షూటింగ్ లో 48 ఏళ్ల జోన్స్ పాల్గొనబోతున్నాడంట. ప్రపంచాన్ని జయించాలన్న ఆశయంతో వరుస దండయాత్రలు చేసే గ్రీకు రాజుగా కనిపించనున్నట్లు చెబుతున్నారు. అతనికి శాతకర్ణికి అదేనండీ బాలయ్య బాబుకి మధ్య జరిగే యుద్ధసన్నివేశాలు పతాక స్థాయిలో ఉంటాయని అభిమానులు ఆశిస్తున్నారు. అయితే ప్రస్తుతం టైగర్ షాఫ్ర్ ఏ ఫ్లైయింగ్ జాట్ చిత్రంలో జోన్స్ నటిస్తున్నాడు. దీంతో అతను శాతకర్ణిలో నటించడం అంతా ఉత్తదేనని మరో వార్త వినిపిస్తోంది.