పాప కల నిజమైన వేళ...!

Posted: 07/08/2016 01:08 PM IST

వెంకటాద్రి ఎక్స్ ప్రెస్ సినిమా ద్వారా సెక్సెస్ అందుకున్న రకుల్ ప్రీత్ సింగ్ ఆ సినిమా నుంచి వరుసగా టాప్ హీరోలతో సినిమాలు చేస్తూ పిచ్చ బిజీ అయిపోయింది. రీసెంట్ గా వచ్చిన సరైనోడు సినిమా హిట్ కావడంతో అటు మాలీవుడ్ నుంచి కూడ అమ్మడికి అవకాశాలు మెండుగా వస్తున్నాయి. ఆ సినిమా సక్సెస్ మీట్ లో నాకు మహేష్ బాబు అంటే చాలా ఇష్టమని, మహేష్ బాబుతో నటించే అవకాశం కోసమే ఎదురుచూస్తూ కలలు కంటున్నానని చెప్పిన సంగతి అందరికీ తెలిసిందే.

అయితే, ఇప్పుడు ఈ అమ్మడి కల నిజమయ్యే వేళ వచ్చిందని చెప్తున్నారు ఫిలిం నగర్ వాసులు. మేటర్ ఏంటంటే, మురుగదాస్ డైరెక్టర్ గా తీస్తున్న మహేష్ బాబు సినిమాలో పరిణీతి చోప్రా హీరోయిన్ గా నటిస్తోంది. ఇప్పుడు పరిణీతి చోప్రా బిజీగా ఉండి డేట్స్ ఇవ్వడంలో కొంచెం ఇబ్బంది గా ఫీల్ అవుతోందట. దీంతో మరుగదాస్ హీరోయిన్ గా సౌత్ భామనే పెట్టుకోవాలని చూస్తున్నాడు. దీంతో రకుల్ ప్రీత్ సింగ్ పేరును పరిశీలిస్తోందట చిత్రయూనిట్.

మరో వైపు నుంచి మహేష్ బాబు కూడ బాలీవుడ్ హీరోయిన్స్ తనకి అంతగా అచ్చిరారు అని, ఇంతవరకూ తను నటించిన బాలీవుడ్ భామలు అందరూ తనకి ఫ్లాప్ సినిమాలే ఇచ్చారని చెప్పడంతో రకుల్ ప్రీత్ సింగ్ కి అవకాశం దక్కిందనే చెప్తున్నారు అందరూ. నిజానికి శ్రీకాంత్ అడ్డాల తీసిన బ్రహ్మోత్సవం సినిమాలోనే రకుల్ కి అవకాశం వచ్చింది. కాకపోతే సరైనోడు సినిమా కోసం దానిని వదిలేసుకుంది ఈ అమ్మడు. ఇప్పుడు మాత్రం ఎట్టిపరిస్థితుల్లో మహేష్ సినిమాని ఒదులుకోను అని చెప్తోంది.

- మూర్తి