ఆరోజు వెంకీకి అగ్నిపరీక్షే...!

Posted: 06/21/2016 11:55 AM IST

Venkatesh and maruthi combination movie analysis

కుర్రకారుకి వేడెక్కించే సినిమాలు, డబల్ మీనింగ్ సినిమాలనుంచి బయటపడి ఫ్యామిలీ సినిమాల రూపొందించే డైరెక్టర్ గా మారిన మారుతి టాలీవుడ్ లో తనదైన మార్క్ ని వేసుకున్నాడు. ప్రస్తుతం వెంకటేష్ తో బాబు బంగారం సినిమాతో మళ్లీ తన పనితనాన్ని నిరూపించుకునేందుకు సిద్ధమైపోయాడు. సితార ఎంటర్టైన్‌మెంట్స్ పతాకంపై సూర్యదేవర నాగవంశీ ఈ సినిమాని నిర్మిస్తున్న సంగతి తెలిసిందే. ఇటీవలే రిలీజైన టీజర్ కి మంచి రెస్పాన్స్ వచ్చింది. అంతేకాకుండా మంచి యంగ్ లుక్స్ తో వెంకటేష్, నయనతారలు పోస్టర్స్ లో రిచ్ గా కనిపిస్తున్నారు కూడ.

ఇప్పుడు ఈ సినిమా ఆడియోని విడుదల చేసేందుకు సిద్ధమైపోయింది. జులై 9వ తేదని గ్రాండ్ గా ఈ సినిమా పాటలను మార్కెట్ లోకి విడుదల చేయనున్నారు. ‘లక్ష్మీ’, ‘తులసి’ సినిమాల తర్వాత నయనతార ఈ సినిమాలో వెంకటేష్ తో మరోసారి ఆడిపాడనుంది. ఈ సినిమాని జులై 22వ తేదిన ప్రపంచవ్యాప్తంగా విడుదల చేయనున్నట్లుగా తెలుస్తోంది. అయితే ఇప్పటికే ఓవర్సీస్ లో మంచి బిజినెస్ కలెక్ట్ చేసిన ఈ సినిమా ఇప్పుడు వెంకటేష్ కెరియర్ కే అగ్ని పరీక్షగా మారింది.

ఎందుకంటే, గతంలో వెంకటేష్ తీసిన సినిమాలన్నీ రీమేక్ సినిమాలే. 'దృశ్యం', 'గోపాల గోపాల' సినిమాలు యావరేజ్ కలెక్షన్స్ తోనే నిలిచాయి. కానీ ఇప్పుడు ఫ్యామిలీ ఎంటర్ టైన్మెంట్ తో వస్తున్న వెంకీ ఈ సినిమా ద్వారా మళ్లీ తన పూర్వ వైభవాన్ని చాటేందుకు రెడీ అయ్యాడు. ఈ సినిమా హిట్ అయితేనే వెంకీ తర్వాత సినిమాలకు మార్కెట్ ఉంటుంది. సీనియర్ నటుడు అయ్యి ఉండి ఇంతవరకూ వెంకీ 50కోట్ల క్లబ్ లో చేరలేదు. కనీసం ఈ సినిమా ద్వారా అయినా ఆ మార్క్ ని అందుకోవాలని చూస్తున్నాడు. రీసెంట్ గా భలే భలే మగాడివోయ్ సినిమా హిట్ కొట్టడం ద్వారా మంచి ప్లస్ లో ఉన్న మారుతి ఈ సినిమా ద్వారా వెంకీకి మంచి మార్కెట్ ఇస్తాడా లేదా అనేది త్వరలోనే తేలిపోనుంది.

- మూర్తి