చిరంజీవి సినిమాలో మరో ట్విస్ట్...!

Posted: 06/15/2016 02:02 PM IST

Megastar chiranjeevi 150th movie rumours

మెగాస్టార్ చిరంజీవి 150 సినిమాపై ఎలాంటి న్యూస్ వినిపించినా ఫ్యాన్స్ ఆసక్తికరంగా అటువైపే చూస్తున్నారు. ఈ క్రమంలో ఈ సినిమాపై ఒక కొత్త విషయం మార్కెట్ లో గుప్పుమంది. గంతలో కత్తిలాంటోడు సినిమాలో చిరంజీవి రెండు షేడ్స్ ఉన్న క్యారెక్టర్ లో కనిపిస్తారంటూ వార్తలు వచ్చిన సంగతి తెలిసిందే. అందుకే శ్రీజ పెళ్లిలో కూడ చిరు గెడ్డం తోటే దర్శనమిచ్చాడు. ఆ గెటప్ లో ఒక రోల్ ఉంటుందనుకున్నారు అందరూ. కానీ, ఇప్పుడు తాజాగా మా అవార్డ్స్ ఫంక్షన్ లో చిరంజీవి గెడ్డం లేకుండా నీట్ షేవ్ తో కనిపించాడు. పైగా ఈ ఫంక్షన్ లో చాలా స్లిమ్ గా కూడ కనిపించి అందరినీ తన డ్యాన్స్ తో అబ్బురపరిచాడు కూడ.
ఇప్పుడు సమస్య ఏంటంటే, ఈ అవార్డ్స్ ఫంక్షన్‌లో చిరు స్లిమ్‌గా కనిపించడంతో ‘కత్తిలాంటోడు’కి మళ్లీ ఏమైంది? ఏమైనా సమస్య వచ్చిందా? గెడ్డం ఎందుకు తీసినట్టు? అందుకు సంబంధించి పార్ట్ షూటింగ్ ఫినిష్ అయ్యిందా? అంటూ చర్చించుకోవడం మొదలైంది.

నిజానికి చిరంజీవి సినిమా జూన్ 6న సెట్స్ పైకి వెళ్తుందని అనుకున్నారు అందరూ, కానీ అది వాయిదా పడి 15వ తేది అంటున్నారు. కానీ, ఇప్పటివరకూ ఆ ఊసే ఎక్కడా కనిపించడం లేదు. ఈనెలాఖరుకి ఖచ్చితంగా సెట్స్ పైకి వెళ్తుందని మరో టాక్ కూడ వినిపిస్తోంది. దీంతో అవార్డ్ ఫంక్షన్ కి వచ్చిన అతిథులందరూ అసలు సినిమా ఎప్పుడు స్టార్ట్ అవుతుంది ? సెట్స్ పైకి ఎప్పుడు వెళ్తుంది ? అనే ప్రశ్నలతోనే చర్చించుకున్నారట. ఈ టాపిక్ ఇప్పుడు హాట్ హాట్ గా ఫిలిం నగర్ లో చక్కర్లు కొడుతోంది. ఎక్కడ చూసినా చిరంజీవి స్టెప్స్ గురించి కత్తిలాంటోడు సినిమా గురించే మాట్లాడుకుంటున్నారు. ఈ నేపథ్యంలో చిరు ల్యాండ్‌మార్క్ మూవీ సెట్స్ పైకి ఎప్పుడు వెళ్తుందో? ఈ రూమర్లుకి ఎప్పుడు ఫుల్‌స్టాప్ పడుతుందో అని ఫ్యాన్స్ ఎదురుచూస్తున్నారు.

- మూర్తి