నీ కంటే తోపు ఎవడూ లేడిక్కడ..?

Posted: 06/08/2016 11:42 AM IST

Maheshbabu upcoming movies are coming very fast

టాలీవుడ్ ప్రిన్స్ మహేష్ బాబు మంచి జోరుమీదున్నాడు. ఈ స్పీడ్ కి బ్రేక్ లు వేసేవాళ్లే లేరు అంటున్నారు అభిమానులు. ఎందుకంటే, ప్రస్తుతం లండన్ టూర్ ఎంజాయ్ చేస్తున్న ప్రిన్స్ రాంగానే డైరెక్టర్ మురుగదాస్ సినిమాలో రెగ్యులర్ షూటింగ్ లో పాల్గొంటాడు. ఈ సినిమా చేస్తూనే డైరెక్టర్ పూరీజగన్ అడిగిన 45రోజుల డేట్స్ ఇచ్చేశాడట. అంటే, మురుగదాస్ సినిమా చేస్తూనే పూరీజగన్ డైరెక్ట్ చేయబోతున్న సినిమా షూటింగ్ లో పాల్గొంటాడన్నమాట. ఈ తర్వాత వంశీ పైడిపల్లితో కథా చర్చలు జరిపి ఆ సినిమాని కూడ ఈ సంవత్సరమే ప్రారంభించే ఆలోచనలో ఉన్నాడు.

ఎందుకంటే, బ్రహ్మోత్సవం సినిమా నిరాశ పరచిన తర్వాత ఆ సినిమా ప్రొడ్యూసర్స్ అయిన పివిపి సంస్థకి భారీ నష్టమే వచ్చిందట. అందుకే వంశీ పైడిపల్లి తో తను చేయబోయే సినిమాని పివిపి బ్యానర్ లోనే తెరకెక్కించే అవకాశాలు ఉన్నాయి. అందుకే, ఈ సినిమాని సాధ్యమైనంత వరకూ స్పీడ్ గా స్టార్ట్ చెయ్యాలని చూస్తున్నాడు.

ఈ సినిమా తర్వాత కూడ మహేష్ బాబు స్టార్ హిట్ డైరెక్టర్ అయిన విక్రమ్ కె కుమార్ కి కూడ డేట్స్ ఇచ్చినట్లుగా తెలుస్తోంది. ఇప్పటికే విక్రమ్ కె కుమార్ చెప్పిన స్టోరీని ఓకే చేసిన మహేష్ ఇప్పుడు ఈ సినిమాని కూడ లైన్లో పెట్టేస్తున్నాడు.

టాలీవుడ్ లో ఇప్పటి వరకూ మహేష్ ఎప్పుడు ఇలా నాలుగు సినిమాలను వెంటవెంటనే ఒప్పుకున్న సందర్భాలు లేవని, ఇప్పుడు మహేష్ దూకుడుకి సాటిలేదని చెప్తున్నారు సినీ విశ్లేషకులు. అంతేకాకుండా, ఈ సంవత్సరం, వచ్చే సంవత్సరం వరకూ కూడ మహేష్ బాబు డేట్స్ ఖాళీగా లేవని అందుకే ఇప్పుడే ఫ్యామిలీతో ఫారిన్ టూర్ ఎంజాయ్ చేయడానికి వెళ్లాడని, ఇక వచ్చిన తర్వాత ఫుల్ వర్క్ లోకి దిగిపోతాడని చెప్తున్నారు. రానున్న రెండు సంవత్సరాలు మహేష్ బాబు ఫ్యాన్స్ కి పండగేనని, మహేష్ సెలెక్ట్ చేసుకున్న దర్శకులు నలుగురు ప్రత్యేకమైన స్టైల్ ఉన్నవాళ్లేనని అందుకే ప్రస్తుతం టాలీవుడ్ లో మహేష్ కంటే తోపు ఎవడూ లేడిక్కడ అని చెప్తున్నారు సినీ పండితులు.

- మూర్తి