హ్యాట్రిక్ హిట్ కొడతాడా...?

Posted: 06/08/2016 11:19 AM IST

టాలీవుడ్ లో చిన్న హీరోగా పరిచయం అయ్యి ఇప్పుడు స్టార్ హీరోగా ఎదిగిన నాని వరుసహిట్స్ తో దూసుకుపోతున్నాడు. భలే భలే మగాడివోయ్ సినిమా నానికి మంచి మార్కెట్ ని తెచ్చిపెట్టింది. ముఖ్యంగా ఓవర్సీస్ బిజినెస్ ని ఒక్కసారిగా పైకి లేపింది. ఈ సినిమాతో నాని మీద భారీ బడ్జెట్ పెట్టి సినిమా తీసే ప్రొడ్యూసర్స్ ఎక్కువైపోయారు.

తర్వాత వచ్చిన కృష్ణగాడి వీర ప్రేమగాధ సినిమా కూడ మార్కెట్ పరంగా లాభాలను తెచ్చిపెట్టింది. ఈ సినిమా నాని మార్కెట్ కి ఫ్లాట్ ఫామ్ అయ్యింది. ఇప్పుడు తాజాగా నాని నటిస్తున్న జెంటిల్ మెన్ సినిమా విడుదలకు సిద్ధంగా ఉంది. ఈ నేపథ్యంలో ఈసినిమా పై ట్రేడ్ విశ్లేషకులు అంచనాలు వేస్తున్నారు. సినిమా మంచి హిట్ టాక్ వస్తే ఓవర్సీస్ లో తిరుగులేని మార్కెట్ ఉంటుందని, ఎట్టిపరిస్ధితుల్లో సినిమా 50కోట్ల క్లబ్ లోకి వెళ్లిపోతుందని చెప్తున్నారు.

అయితే, ఫ్లాప్ టాక్ వస్తే మాత్రం సినిమా మళ్లీ నాని మార్కెట్ ని డౌన్ చేసేస్తుందని, దీనివల్ల రాబోయే నాని సినిమాలపై దాని ప్రభావం కనిపిస్తుందని చెప్తున్నారు.

అయితే, ఈ సినిమా డైరెక్టర్ మంచి విషయమున్న మోహనకృష్ణ ఇంద్రగంటి కాబట్టి సినిమా ఖచ్చితంగా మంచి పాజిటివ్ టాక్ వస్తుందని, గతంలో మోహనకృష్ణ ఇంద్రగంటి సినిమాలు అన్నీ పాజిటివ్ టాక్ వచ్చినవే అని చెప్తున్నారు సినీ విశ్లేషకులు. అంతేకాకుండా గతంలో ఈ డైరెక్టర్ నానికి అష్టాచమ్మా సినిమాతో లైఫ్ ఇచ్చిన సంగతి అందరికి తెలిసిందే. ఇప్పుడు ఈ సినిమా ఆ రేంజ్ టాక్ వస్తే మాత్రం తప్పకుండా 50కోట్లు పైనే కలెక్ట్ చేస్తుందని చెప్తున్నారు ట్రేడ్ విశ్లేషకులు.
 
- మూర్తి