ఒకరు మాస్...మరొకరు క్లాస్...!

Posted: 06/04/2016 12:53 PM IST

యంగ్ టైగర్ ఎన్టీఆర్‌ ప్రస్తుతం కొరటాల శివ దర్శకత్వంలో 'జనతా గ్యారేజ్' చిత్రంలో నటిస్తున్న విషయం తెలిసిందే. ఈ సినిమా రిలీజ్ డేట్ ఎప్పుడో ఇప్పటికే ఫిక్స్ అయ్యింది. ఆగస్టు 12న ఆ చిత్రాన్ని ప్రేక్షకుల ముందుకు తీసుకురావాలని నిర్ణయించారు చిత్ర యూనిట్. ఇక ఇప్పటికే గ్యారేజ్ యూనిట్ రెస్ట్ లేకుండా కష్టపడుతోంది. ఎర్రటి ఎండల్ని కూడా లెక్క చేయకుండా నడి వేసవిలోనూ షూటింగ్ జరిపారు.

ప్రస్తుతం చెన్నైలో కీలక సన్నివేశాల్ని తెరకెక్కిస్తున్నారు. ఆగస్టు 12 అంటే అప్పటికే వేసవి పూర్తయిపోతుంది కాబట్టి ఎన్టీఆర్‌కి పోటీ ఉండదని, కేవలం జూనియర్ ఎన్టీఆర్ సినిమా సోలోగానే హిట్ కొడుతుందని ఫ్యాన్స్ భావిస్తున్నారు. కానీ నాగచైతన్య 'ప్రేమమ్‌' కూడా అదే రోజునే విడుదలయ్యేందుకు రెడీ అవుతున్నట్టు సమాచారం.

'ప్రేమమ్' సినిమా మలయాళంలో ఎంత పెద్ద సూపర్ హిట్ అయ్యిందో ప్రత్యేకించి చెప్పక్కర్లేదు. పైగా ఫస్ట టైమ్ చైతూతో శృతి హాసన్ జతకడుతోంది. ఈసినిమా క్లాస్ ప్రేక్షకులను, బిసి సెంటర్స్ ని ఆకట్టుకోవడం గ్యారెంటీ అంటున్నారు సినీ విశ్లేషకులు. ఇద్దరు యంగ్ హీరోల చిత్రాలు ఒకే రోజు విడుదలవుతాయి కాబట్టి బాక్సాఫీసు కళకళలాడిపోవడం ఖాయం అని, ఒకరు క్లాస్ గా వస్తే మరొకరు మాస్ గా వస్తున్నారు కాబట్టి రెండు సినిమాలు సూపర్ హిట్ అయ్యే అవకాశాలు పుష్కలంగా కనిపిస్తున్నాయని చెబుతున్నారు.