భూమిక పై మోజు తీరలేదు...!

Posted: 06/04/2016 02:34 PM IST

పవర్ స్టార్ పవన్ కళ్యాణ్, అందాల తార భూమిక మరోసారి వెండితెరపై కనిపించబోతున్నారా ? అంటే అవుననే అంటున్నారు ఫిలిం నగర్ వాసులు. ఎస్ జె సూర్యతో పవన్ కళ్యాణ్ తన తర్వాత సినిమా చేస్తున్న సంగతి తెలిసిందే. ఇప్పటికే ఈ సినిమాకి సేనాపతి అని హుషారు అని రెండు టైటిల్స్ సోషల్ సైట్స్ లో చక్కర్లు కొడుతున్నాయి.    
ఈసినిమాలో ఇప్పటికే శృతిహాసన్ ని హీరోయిన్ గా తీసుకున్నట్లుగా అధికారికంగా ప్రకటించారు కూడ. అయితే ఇప్పుడు ఒక ప్రత్యేక పాత్రలో భూమిక నటిస్తోందని ఫిలింనగర్ లో టాక్ మొదలైంది. ప్రస్తుతం పవన్ కళ్యాణ్ సింగపూర్ ట్రిప్ ముగించుకుని వచ్చాడని, ఇక అధికారికంగా ఈ సినిమా సెట్స్ పైకి వెళ్తుందని సమాచారం తెలుస్తోంది.

ఈ నేపథ్యంలోఈ సినిమాలో యోగా టీచర్ పాత్రలో పవన్ కళ్యాణ్ కి యోగా నేర్పించేందుకు భూమికని ఎంపిక చేసినట్లుగా ఈ పాత్ర కేవలం 2 నిమిషాలు మాత్రమే ఉంటుందని, అందులో కూడ పవన్ కళ్యాణ్ భూమిక నడుమును చూస్తూ టీజింగ్ చేసే సీన్ ఉంటుందని చెప్తున్నారు ఫిలిం నగర్ వాసులు.

మరి ఖుషి సినిమాలో భూమిక నడుం చూస్తే అంత గొడవ చేసింది ? ఇప్పుడు ఈ సినిమాలో ఇంకెంత గొడవ చేస్తుందో అని అంటున్నారు అందరూ. ఎస్ జె సూర్య ఇలాంటి సీన్స్ తీయడంలో ఆరితేరిన దిట్ట అని, ఖచ్చితంగా ఈ సీన్ చూసి ప్రేక్షకులు , అభిమానులు ఎంజాయ్ చేస్తారని చెపుతున్నారు.

- మూర్తి