రజినీ, కమల్ కలయిక.. అంతా సిద్దం!

Posted: 02/19/2016 12:42 PM IST

తమిళ సూపర్ స్టార్ రజినీకాంత్, లోకనాయకుడిగా పేరున్న కమల్ హాసన్ కలిస్తే ఎలా ఉంటుంది. అభిమానుల ఆనందానికి హద్దులులేకుండా ఉంటుంది కదా. ఆ ఇండస్ట్రీ ఈ ఇండస్ట్రీ అని కాకుండా అన్ని సినీ ఇండస్ట్రీలో తమకంటూ ప్రత్యేక పేరుతెచ్చుకున్న కమల్, రజినీకాంత్ లు అంటే ఎంతో మందికి అభిమానం. అయితే తాజాగా వీరిద్దరూ కలిసి అభిమానులకు కనువిందు చెయ్యనున్నారు. కాగా ఇద్దరూ కలిసి సినిమా చేస్తున్నారను అనుకుంటున్నారేమో కానీ కాదు. ఓ క్రికెట్ మ్యాచ్ కోసం వీరిద్దరు కలవనున్నారు. అదేంటి సినిమా హీరోలు క్రికెట్ మ్యాచ్ కోసం కలవడం ఏంటి అనుకుంటున్నారా..? దానికి ఓ కారణం ఉంది.

చెన్నైలో ‘నడిగర సంఘా’నికి కొత్త భవనం కట్టడానికి రానున్న ఏప్రిల్ 10న సినీ తారలతో సెలబ్రిటీ క్రికెట్ మ్యాచ్ నిర్వహించనున్నారు. తద్వారా సేకరించే సొమ్మును సంఘం భవన నిర్మాణానికి వినియోగిస్తారు. ‘కబాలి’, ‘2.0’ చిత్రాలతో బిజీగా ఉన్న రజనీ, అమెరికాలో షూటింగ్ చేసే ద్విభాషా చిత్రం బిజీలో ఉన్న కమల్ - ఇద్దరూ మ్యాచ్‌కు రానున్నారట. మొత్తానికి దేశం గర్వించే ఇద్దరు నటులు ఇలా ఓ మంచి పని కోసం ముందుకు రావడం ఎంతో సంతోషం.