మహేష్ కు పాతిక కోట్లిచ్చి తప్పిచ్చిన నిర్మాత..!

Posted: 02/18/2016 10:24 AM IST

అవును.. మీరు చదువుతున్నది అక్షరాల నిజం. తెలుగు సినిమా స్టార్లలో సూపర్ స్టార్ గా అన్ని వర్గాల్లో విపరీతమైన క్రేజ్ మహేష్ బాబు సొంతం. మహేష్ చేసిన సినిమాలు బాక్సాపీస్ వద్ద రికార్డుల వర్షం కురిపించాయి.. నిర్మాతలకు, డిస్ట్రిబ్యూటర్లకు కాసుల వరదపారించాయి. అందుకే అందరికి మహేష్ బాబు సినిమా అంటే విపరీతమైన క్రేజ్ ఉంది. అయితే గత కొంత కాలంగా తన సినిమాలకు నిర్మాతగా మారిన మహేష్ బాబు... వచ్చిన లాభనష్టాల్లో వాటావేసుకుంటున్నారు. కాగా తాజాగా ఓ సినిమా నుండి మహేష్ బాబును తప్పించేందుకు ఏకంగా పాతిక కోట్ల భారీ ఆపర్ ఇచ్చినట్లు తెలుస్తోంది.

మహేష్ బాబు చేస్తున్న బ్రహ్మోత్సవం సినిమా అంశంలో నిర్మాత పివిపి ఇలా చేసినట్లు తెలుస్తోంది. పివిపి మహేష్ బాబును నిర్మాతగా తప్పించడానికి ఇరవై ఐదు కోట్లు ఆపర్ చేస్తున్నట్లు తెలుస్తోంది. బ్రహ్మోత్సవం సినిమా భారీ హిట్ అవుతుందన్న నమ్మకంతో శ్రీమంతుడు కన్నా ఎక్కువ ఇచ్చి మరీ బ్రహ్మోత్సవం తీసుకునేందుకు డిస్ట్రిబ్యూటర్లు సిద్దంగా ఉన్న నేపథ్యంలో పివిపి ఇలా మహేష్ కు భారీ ఆఫర్ ఇచ్చినట్లు తెలుస్తోంది. ఫైనల్‌గా సినిమా ఎంత హిట్‌ అయినా తనకి వచ్చే షేర్‌ పాతిక కోట్లకి అటో, ఇటో వుంటుంది కనుక ఇక నిర్మాణ వ్యవహారాల గురించి వర్రీ అవ్వాల్సిన పని లేదు కనుక మహేష్‌ హ్యాపీగా ఈ డీల్‌కి ఒప్పుకున్నాడట.