మెగాస్టార్ ఇంట్లో మొదలైన పెళ్లిసందడి?

Posted: 02/11/2016 10:14 AM IST

మెగాస్టార్ చిరంజీవి ఇంట్లో పెళ్లి సందడి ప్రారంభమైనట్లుగా తెలుస్తోంది. కొద్ది రోజుల క్రితమే చిరంజీవి చిన్న కూతురు శ్రీజకు చిత్తూరుకు చెందిన ఓ వ్యక్తితో నిశ్చితార్థం జరిగిందని తెలుస్తోంది. ఈ విషయంలో పవన్ కళ్యాణ్ దగ్గరుండి అన్ని భాధ్యతలు తీసుకున్నట్లుగా సమాచారం. ఇటీవలే పవన్ దగ్గరుండి ఈ మ్యారేజ్ డేట్, మిగతా ఫార్మాలిటీస్ అన్ని పూర్తి చేసినట్లుగా సమాచారం.

అయితే ఈ వార్తలన్ని కూడా నిజమనిపించే విధంగా తాజాగా చిరంజీవి తన ఇద్దరు కూతుళ్లు మరియు కోడలితో కలిసి ఓ ఫోటోకు ఫోజ్ ఇచ్చారు. అయితే ఈ పెళ్లిలో భాగంగానే ఈ ఫోటో దిగినట్లుగా తెలుస్తోంది. ప్రస్తుతం చిరంజీవి ఇంట్లో పెళ్లి పనులు శరవేగంగా జరుగుతున్నాయని సమాచారం.

అయితే ఈ వార్తలపై మెగా ఫ్యామిలీ ఖండించకపోవడంతో... నిజమేనని అర్థమవుతోంది. మెగాస్టార్ కూతురు వివాహం అనేసరికి మెగా అభిమానులు సంతోషంతో వున్నారు. శ్రీజ పెళ్లి వేడుకను చాలా గ్రాండ్ గా చేయాలని నిర్ణయించుకున్నట్లుగా తెలిసింది. త్వరలోనే అన్ని వివరాలను అధికారికంగా ప్రకటించనున్నారు.