మంచు విష్ణుతో ఇద్దరు భామలు రొమాన్స్?

Posted: 12/03/2015 04:01 PM IST

‘డైనమైట్’ వంటి విభిన్న చిత్రంతో మరోసారి ప్రేక్షకులను మెప్పించి సక్సెస్ ను అందుకున్న హీరో మంచు విష్ణు నటిస్తున్న తాజా చిత్రం ‘సరదా’. ‘అడ్డా’ ఫేమ్ జి.కార్తిక్ రెడ్డి దర్శకత్వంలో తెరకెక్కుతున్న ఈ చిత్రాన్ని శ్రీ వెంకటేశ్వర స్వామి ఫిలింస్ బ్యానర్ పై డి.కుమార్‌, పల్లి కేశవరావు నిర్మిస్తున్నారు. ఈ సినిమాకి అనూప్ రూబెన్స్ మ్యూజిక్ అందిస్తున్నాడు.

ఇందులో ‘జాదుగాడు’ ఫేం సోనారిక బడోరియా హీరోయిన్ గా నటిస్తుంది. అయితే ఇందులో మరో ముఖ్య పాత్రకోసం ఓ స్టార్ యువ హీరోయిన్ ను పరిశీలిస్తున్నారు. ఈ పాత్రకోసం తమిళ బ్యూటీ అమలాపాల్ ను అనుకున్నారు, కానీ కుదర్లేదు. అయితే తాజాగా ఈ పాత్ర కోసం అంజలిని సంప్రదించారట చిత్ర యూనిట్. తన పాత్ర నచ్చి అంజలి కూడా ఈ ప్రాజెక్టుకు గ్రీన్ సిగ్నల్ ఇచ్చినట్లుగా సమాచారం.

ఇప్పటికే రెండు షెడ్యూల్స్ పూర్తి చేసుకున్న ఈ సినిమా షూటింగ్ హైదరాబాద్ లో జరుగుతోంది. లవ్ అండ్ యాక్షన్ ఎంటర్టైనర్ గా తెరకెక్కుతున్న ఈ సినిమాలో బ్రహ్మానందం, జయప్రకాష్‌రెడ్డి, రవికిషన్‌, పృథ్వీ, వెన్నెలకిషోర్‌, శ్రీనివాస్‌రెడ్డి ముఖ్య పాత్రలు పోషిస్తున్నారు. త్వరలోనే ఈ చిత్రాన్ని ప్రేక్షకుల ముందుకు తీసుకురానున్నారు.