వెంకటేష్ సినిమా కోసం నాలుగు టైటిల్స్?

Posted: 12/02/2015 10:15 AM IST

Venkatesh nayanthara movie latest titles

టాలీవుడ్ అగ్ర హీరో విక్టరీ వెంకటేష్ నటించిన ‘గోపాల గోపాల’ తర్వాత మరో సినిమా సెట్స్ పైకి వెళ్లలేదు. అయితే ఇటీవలే ప్రముఖ దర్శకుడు మారుతితో ఓ సినిమా చేయడానికి వెంకటేష్ గ్రీన్ సిగ్నల్ ఇచ్చాడు. మారుతి దర్శకత్వంలో తెరకెక్కనున్న ఈ చిత్రాన్ని ప్రముఖ నిర్మాత ఎస్‌.రాధాకృష్ణ (చిన‌బాబు) స‌మ‌ర్పణ‌లో, సితార ఎంట‌ర్‌టైన్‌మెంట్ బ్యాన‌ర్లో ప్రోడ‌క్షన్ నెం-2 గా నిర్మాత సూర్యదేవ‌ర నాగ‌వంశి నిర్మిస్తున్నారు. డిసెంబ‌ర్ 16న పూజాకార్యక్రమాల‌తో రెగ్యుల‌ర్ షూటింగ్ ని ప్రార‌ంభించనున్నారు.

‘ర‌న్‌ రాజా ర‌న్’, ‘జిల్’, ‘ఉత్తమ‌విల‌న్’ వంటి చిత్రాల‌కు అద్భుత‌మైన సంగీతాన్ని అందించిన జిబ్రాన్ ఈ చిత్రానికి సంగీతం అందిస్తున్నారు. ఇందులో పోలీస్ ఆఫీసర్ పాత్రలో వెంకీ కనిపించనున్నాడని, సిన్సియర్ పోలీస్ ఆఫీసర్ గా కనిపిస్తూనే నవ్వించనున్నాడని తెలిసింది. ఆయన పాత్ర చాలా కొత్తగా, వినోదభరితంగా వుండనుందని సమాచారం. కమర్షియల్ యూత్, మాస్ ఎంటర్ టైనర్ గా రూపొందనున్న ఈ సినిమాలో వెంకీ సరసన నయనతార హీరోయిన్ గా నటిస్తుంది.

ఇప్పటికే వీరిద్దరూ కలిసి నటించిన ‘లక్ష్మీ’, ‘తులసి’ చిత్రాలు భారీ విజయాన్ని సొంతం చేసుకున్నాయి. మరి ఈ సినిమా వీరిద్దరికి హ్యట్రిక్ విజయాన్ని అందించనుంది. అయితే ఈ చిత్రానికి మొన్నటివరకు ‘రాధాకృష్ణ’ అనే టైటిల్ అనుకున్నారు. కానీ తాజాగా మరో నాలుగు టైటిల్స్ పేర్లు పరిశీలిస్తున్నట్లుగా తెలిసింది.

ఆ నాలుగు టైటిల్స్... ‘డిమాండ్ రాజ’, ‘రాజా రత్నం’, ‘24 క్యారెట్ బంగారం’, ‘బాబు బంగారం’. ఈ నాలుగు టైటిల్స్ లో వెంకటేష్ ఏదో ఒక టైటిల్ ను సెలెక్ట్ చేస్తారో, లేక వేరే టైటిల్ ను నిర్ణయిస్తారో చూడాలి. త్వరలోనే అన్ని వివరాలను అధికారికంగా ప్రకటించనున్నారు.