బాలయ్య డిక్టేటర్ సాంగ్ కోసం 1 కోటి?

Posted: 11/16/2015 05:50 PM IST

మాస్ కమర్షియల్ చిత్రాలకు కేరాఫ్ అడ్రస్ నందమూరి బాలకృష్ణ సినిమాలు. బాలయ్య సినిమాలంటే కేవలం డైలాగ్స్ మాత్రమే కాదు, యాక్షన్, ఫైటింగ్స్, డాన్సులు, రొమాన్స్... ఇలా అన్నింటిలో కూడా బాలయ్య అదరగొట్టేస్తూ వుంటాడు. ‘సింహా’ ‘లెజెండ్’ చిత్రాలతో బాలయ్య దుమ్మురేపేసాడు. రికార్డుల మోత మోగించాడు.

ప్రస్తుతం బాలయ్య నటిస్తున్న తాజా చిత్రం ‘డిక్టేటర్’. ఈ సినిమా విడుదలకు ముందే హాట్ టాపిక్ గా మారిపోయాడు బాలయ్య. ఈ సినిమాలోని ఓ సాంగ్ షూటింగ్ కోసం ఓ భారీ సెట్ ను ఏర్పాటు చేసారు. ఈ సెట్ రోజుకు 30 లక్షలు ఖర్చు అవుతోందట. ఈ పాటను 4 రోజుల పాటు చిత్రీకరించనున్నట్లుగా తెలిసింది. అందువల్ల ఈ పాట కోసం నిర్మాతలు కోటి రూపాయలు కేటియించినట్లుగా సమాచారం.

ప్రముఖ దర్శకుడు శ్రీవాస్ దర్శకత్వంలో రూపొందుతున్న ఈ చిత్రాన్ని ప్రతిష్టాత్మకంగా ఈరోస్ ఇంటర్నేషనల్, వేదాశ్వ క్రియేషన్స్ బ్యానర్స్ సంయుక్తంగా నిర్మిస్తున్నాయి. బాలయ్య సరసన అంజలి, సోనల్ చౌహన్, అక్షలు హీరోయిన్లుగా నటిస్తున్నారు. ఇటీవలే విడుదలైన ట్రైలర్ కు మంచి రెస్పాన్స్ వస్తోంది.

ఇప్పటికే 90% షూటింగ్ పూర్తయ్యింది. థమన్ సంగీతం అందిస్తున్న ఈ చిత్ర ఆడియోను అమరావతిలో విడుదల చేయనున్నారు. షూటింగ్ త్వరగా పూర్తి చేసి, వచ్చే ఏడాది సంక్రాంతి కానుకగా చిత్రాన్ని విడుదల చేయడానికి సన్నాహాలు చేస్తున్నారు. త్వరలోనే అన్ని వివరాలను ప్రకటించనున్నారు.

సుమన్, పవిత్రా లోకేష్, నాజర్, వెన్నెలకిషోర్, పృథ్వీ, కాశీవిశ్వనాథ్, పోసాని కృష్ణమురళి, ప్రభాస్ శ్రీను, హేమ, కబీర్, విక్రంజీత్, అజయ్ తదితరులు ఇతర తారాగణంగా నటిస్తున్న ఈ చిత్రానికి ఫైట్స్: రవివర్మ, ఆర్ట్: బ్రహ్మకడలి, ఎడిటర్: గౌతంరాజు, మ్యూజిక్: ఎస్.ఎస్.థమన్, డైరెక్టర్ ఆఫ్ ఫోటోగ్రఫీ: శ్యామ్ కె.నాయుడు, రచన: శ్రీధర్ సీపాన, మాటలు: ఎం.రత్నం, కథ-స్క్రీన్ ప్లే: కోనవెంకట్-గోపిమోహన్, నిర్మాత: ఈరోస్ఇంటర్నేషనల్, కో ప్రొడ్యూసర్, దర్శకత్వం: శ్రీవాస్.