కృష్ణవంశీకి అనుష్క గ్రీన్ సిగ్నల్ ?

Posted: 11/14/2015 05:07 PM IST

సౌత్ ఇండియన్ స్టార్ హీరోయిన్ అనుష్క మరో చిత్రానికి గ్రీన్ సిగ్నల్ ఇచ్చినట్లుగా వార్తలొస్తున్నాయి. టాలీవుడ్ క్రియేటివ్ డైరెక్టర్ గా పేరు తెచ్చుకున్న కృష్ణవంశీ దర్శకత్వంలో త్వరలోనే ఓ బ్యూటీఫుల్ ఫ్యామిలీ, లవ్ ఎంటర్ టైనర్ చిత్రం తెరకెక్కనుందని వార్తలొస్తున్న విషయం తెలిసిందే. ఈ చిత్రాన్ని నటుడు ప్రకాష్ రాజ్, నిర్మాత దిల్ రాజు సంయుక్తంగా నిర్మించనున్నారు.

‘గోవిందుడు అందరివాడేలే’ సినిమా ఫ్లాప్ ఎఫెక్ట్ కృష్ణవంశీకి గట్టిగానే దెబ్బపడింది. దీంతో ఈ సినిమా నష్టం నుంచి కోలుకొని మరో సినిమా తీయడానికి కృష్ణవంశీ చాలా కష్టపడుతున్నాడు. అయితే ఈ ప్రాజెక్టుకు అనుష్క గ్రీన్ సిగ్నల్ ఇచ్చినట్లుగా తెలిసింది. అనుష్క ప్రధాన పాత్రలో ఈ సినిమా రూపొందనున్నట్లుగా తెలిసింది.

ఇటీవలే ఈ ప్రాజెక్టుకు సంబంధించిన స్ర్కిప్ట్ పనులు తుదిదశకు చేరుకున్నట్లుగా తెలిసింది. ప్రస్తుతం నటీనటుల ఎంపికలో కృష్ణవంశీ బిజీగా వున్నారు. ఈ చిత్రానికి ‘రుద్రాక్ష’ అనే టైటిల్ ను అనుకున్నారు. కానీ ఆ టైటిల్ తో మరో సినిమా వస్తుండటంతో... ఈ సినిమాకు మరో టైటిల్ ను పరిశీలిస్తున్నారు. త్వరలోనే అన్ని వివరాలను అధికారికంగా ప్రకటించనున్నారు.