భలే భలే మగాడితో ఎంట్రీ ఇవ్వనున్న మెగా ప్రొడ్యూసర్

Posted: 11/12/2015 04:25 PM IST

గీతా ఆర్ట్స్ బ్యానర్ సెకండ్ పార్ట్ గా ‘గీతాఆర్ట్స్2’ బ్యానర్ పై రూపొందిన ‘భలే భలే మగాడివోయ్’ చిత్రం ఇటీవలే విడుదలై భారీ బ్లాక్ బస్టర్ హిట్టయ్యిన విషయం తెలిసిందే. చిన్న సినిమాగా విడుదలై అందరూ షాక్ అయ్యే విధంగా హిట్టు కొట్టి, కలెక్షన్ల వర్షం కురిపించింది. అల్లు అరవింద్ సమర్పణలో రూపొందిన ఈ చిత్రాన్ని ఇతర భాషలలో రీమేక్ చేయనున్నారు.

ఇప్పటికే ఈ చిత్ర రీమేక్ హక్కులను అమ్మేసారు. ‘భలే భలే మగాడివోయ్’ చిత్ర కన్నడ రీమేక్ హక్కులను ప్రముఖ కన్నడ నిర్మాత రాక్ లైన్ వెంకటేష్ కు అమ్మేయాలని అనుకున్నారు. కానీ కన్నడంలో రాక్ లైన్ వెంకటేష్ తో కలిసి రీమేక్ చేయడానికి అల్లు అరవింద్ సన్నాహాలు చేస్తున్నారు. త్వరలోనే ఈ ప్రాజెక్టు సెట్స్ పైకి వెళ్లనుంది.

ఈ చిత్రానికి సంబంధించిన అన్ని వివరాలు అధికారికంగా ప్రకటించనున్నారు. ప్రస్తుతం అల్లు అర్జున్ హీరోగా బోయపాటి శ్రీను దర్శకత్వంలో రూపొందుతున్న చిత్రాన్ని గీతాఆర్ట్స్ బ్యానర్ పై అల్లు అరవింద్ భారీ బడ్జెట్ తో తెరకెక్కిస్తున్నారు. ఈ చిత్రం సంక్రాంతి కానుకగా విడుదల కానుంది.