హరికథను వదిలేసి శైలజ మీద పడ్డడా?

Posted: 11/12/2015 01:59 PM IST

ఎనర్జిటిక్ హీరోగా పేరు తెచ్చుకున్న రామ్... ఆ పేరును సినిమాలో కాపాడుకోలేకపోతున్నాడు. తన యాక్టింగ్ లో ఎనర్జీ కనిపిస్తుందే తప్ప.. సినిమాలో మాత్రం ఆ ఎనర్జీ లేకపోవడంతో వరుసగా అట్టర్ ఫ్లాప్ అవుతున్నాయి. గతకొద్ది కాలంగా రామ్ నటించిన సినిమాలన్నీ కూడా వరుసగా అట్టర్ ఫ్లాఫులు అవుతుండటంతో తన తదుపరి చిత్రంపై ఆలోచనలో పడ్డాడు రామ్.

ప్రస్తుతం రామ్ హీరోగా నటిస్తున్న తాజా చిత్రం ‘హరికథ’. అయితే ఈ చిత్రం విషయంలో రామ్ చాలా జాగ్రత్తలు తీసుకుంటున్నాడట. గతంలో చేసిన తప్పులు మరోసారి రిపీట్ కాకుండా, కథలో పలు మార్పులు, చేర్పులు చేసి జాగ్రత్తగా తెరకెక్కిస్తున్నారట. అలాగే ఈ చిత్ర టైటిల్ కూడా మరీ మూస ధోరణిలో వుందనే వుద్దేశ్యంతో టైటిల్ కూడా మార్చే పనిలో పడ్డాడట రామ్.

ఈ చిత్రానికి ‘హరికథ’ అనే టైటిల్ తీసేసి ‘నేను శైలజ’ అనే టైటిల్ పెట్టే ఆలోచనలో చిత్ర యూనిట్ వున్నట్లుగా తెలిసింది. ఇందులో హీరోయిన్ పాత్ర పేరు శైలజ కావడం, సినిమాలో శైలజ పాత్ర చాలా కీలకం కావడంతో ఈ టైటిల్ పెట్టే ఆలోచనలో వున్నట్లుగా సమాచారం. త్వరలోనే అధికారికంగా ప్రకటించనున్నారు. కిశోర్ తిరుమల దర్శకత్వంలో తెరకెక్కుతున్న ఈ చిత్ర షూటింగ్ ప్రస్తుతం శరవేగంగా జరుగుతోంది.