మెగా హీరో కోసం రకూల్ భామ కాస్త పెంచుతోందట!

Posted: 11/03/2015 12:17 PM IST

Rakul preet singh hikes her remuneration for varun

టాలీవుడ్ యువ టాప్ హీరోయిన్లలలో వరుస సినిమాలతో దూసుకుపోతున్న భామ రకూల్ ప్రీత్ సింగ్. ‘వెంకటాద్రి ఎక్స్ ప్రెస్’, ‘లౌక్యం’ చిత్రాలు విజయం సాధించడంతో వరుస ఆఫర్లు వచ్చిపడుతున్నాయి. ఈ మధ్య వచ్చిన ‘కిక్2’, ‘బ్రూస్ లీ’ చిత్రాలలో నటిగా రకూల్ కు మంచి మార్కులే పడ్డాయి. డాన్సులు, గ్లామర్, యాక్టింగ్ పరంగా రకూల్ భారీ ఆఫర్లను దక్కించుకుంటోంది. ప్రస్తుతం మెగా హీరోయిన్ గా కొనసాగుతోంది.

ఇటీవలే మెగాపవర్ స్టార్ రాంచరణ్ తో ‘బ్రూస్ లీ’ సినిమాలో జతకట్టింది. ఇందులో వీరిద్దరి కెమిస్ట్రీ చాలా బాగుంది. ఇక ప్రస్తుతం స్టైలిష్ స్టార్ అల్లు అర్జున్ హీరోగా నటిస్తున్న ‘సరైనోడు’ సినిమాలో రకూల్ హీరోయిన్ గా నటిస్తుంది. ఈ సినిమా షూటింగ్ శరవేగంగా జరుగుతోంది. సంక్రాంతి కానుకగా విడుదల కానుంది. చరణ్, బన్నీల తర్వాత మరో మెగా హీరోతో నటించడానికి రకూల్ సిద్ధమవుతోంది.

‘ముకుంద’ సినిమాతో హీరోగా ఎంట్రీ ఇచ్చి, ‘కంచె’ సినిమాతో తొలివిజయాన్ని అందుకున్న మెగా హీరో వరుణ్ తేజ... తన మూడవ చిత్రాన్ని దర్శకుడు గోపిచంద్ మలినేని దర్శకత్వంలో చేయనున్నాడు. ప్రస్తుతం ఈ చిత్రానికి సంబంధించిన స్ర్కిప్ట్ పనులు జరుగుతున్నాయి. ఇందులో వరుణ్ కు జోడిగా రకూల్ ను ఎంపిక చేసారు. అయితే ఈ సినిమా కోసం రకూల్ తన రెమ్యునరేషన్ పెంచేసిందట.

వరుస ఆఫర్లు వస్తుండటంతో స్టార్ హీరోయిన్ గా కొనసాగుతున్న ఈ అమ్మడు తన రెమ్యునరేషన్ ను పెంచేసిందని టాలీవుడ్ సినీవర్గాల సమాచారం. అయితే ఈ సినిమా నిర్మాతలు రకూల్ అడిగినంతగా రెమ్యునరేషన్ కూడా ఇవ్వడానికి అంగీకరించినట్లుగా తెలిసింది. త్వరలోనే ఈ చిత్రానికి సంబంధించిన అన్ని వివరాలను అధికారికంగా ప్రకటించనున్నారు.