అతనితోనే మళ్లీ తమన్నా ఐటెం చిందులు?

Posted: 10/31/2015 10:36 AM IST

తెలుగు, తమిళ సినిమాల్లో వరుసగా అవకాశాలు దక్కించుకుంటూ స్టార్ హీరోయిన్ గా కొనసాగుతున్న తమన్నా మరోసారి ఐటెం సాంగ్ లో తళుక్కుమననుంది. స్టార్ హీరోయిన్ గా కొనసాగుతున్న తమన్నా ఇటీవలే ‘అల్లుడుశీను’ సినిమాలోని ఓ ఐటెం సాంగ్ లో నటించింది. ఇందులో తమన్నా తన అందచందాలతో మత్తెక్కించేసింది.

ప్రముఖ నిర్మాత బెల్లంకొండ సురేష్ తనయుడు బెల్లంకొండ శ్రీనివాస్ హీరోగా పరిచయమైన ‘అల్లుడుశీను’ సినిమాలో తమన్నా ఐటెం సాంగ్ లో నటించింది. ఇందుకోసం భారీ మొత్తంలో తమన్నా రెమ్యునరేషన్ కూడా తీసుకుంది. ఇదిలా వుంటే మరోసారి బెల్లంకొండ శ్రీనివాస్ తోనే ఐటెం సాంగ్ లో నటించడానికి గ్రీన్ సిగ్నల్ ఇచ్చినట్లుగా తెలిసింది.

భీమనేని శ్రీనివాస్ దర్శకత్వంలో శ్రీనివాస్ హీరోగా ఓ చిత్రం తెరకెక్కుతున్న విషయం తెలిసిందే. ఇందులో ఓ ఐటెం సాంగ్ కోసం తమన్నాను సంప్రదించారట చిత్ర నిర్మాతలు. ఈ స్పెషల్ ఐటెం సాంగ్ కోసం నిర్మాతలు భారీ రెమ్యునరేషన్ ను ఆఫర్ చేయడంతో తమన్నా ఈ ప్రాజెక్టుకు గ్రీన్ సిగ్నల్ ఇచ్చినట్లుగా తెలిసింది. త్వరలోనే ఈ సాంగ్ షూట్ లో తమన్నా పాల్గొననున్నట్లుగా తెలిసింది. అన్ని వివరాలను చిత్ర యూనిట్ త్వరలోనే అధికారికంగా ప్రకటించనున్నారు.