‘సరైనోడు’తో మొదలెట్టనున్న రకూల్

Posted: 09/18/2015 05:23 PM IST

ప్రస్తుతం తెలుగులో వరుస చిత్రాలతో బిజీగా వున్న హీరోయిన్ రకూల్ ప్రీత్ సింగ్. ‘లౌక్యం’ సినిమా విజయంతో భారీ క్రేజ్ ను దక్కించుకున్న ఈ అమ్మడు వరుస సినిమా ఆఫర్లను దక్కించుకుంటుంది. ఇటీవలే రకూల్ నటించిన ‘కిక్2’ నిరాశపరిచినప్పటికీ.. ఇందులో రకూల్ నటిగా మంచి మార్కులే దక్కించుకుంది.

ప్రస్తుతం రాంచరణ్, అల్లు అర్జున్, ఎన్టీఆర్ సినిమాలతో రకూల్ బిజీగా వుంది. అయితే నటిగా రాణిస్తున్న ఈ అమ్మడు ఇక నుంచి తన పాత్రకు కూడా తానే డబ్బింగ్ చెప్పుకోవడానికి సిద్ధమవుతోంది. ప్రస్తుతం తెలుగు భాషను స్పష్టంగా నేర్చుకునే పనిలో పడింది రకూల్.

అల్లు అర్జున్ హీరోగా బోయపాటి శ్రీను దర్శకత్వంలో తెరకెక్కుతున్న ‘సరైనోడు’(వర్కింగ్ టైటిల్) చిత్రంలో రకూల్ తన పాత్రకు తానే డబ్బింగ్ చెప్పుకోవాలని డిసైడ్ అయ్యిందట. అయితే ఈ అమ్మడు మాట్లాడే పద్ధతి, మాటతీరు నచ్చడంతో తమ సినిమా నుంచే డబ్బింగ్ షురూ చేయమని బోయపాటి-బన్నీలు ప్రొత్సాహిస్తున్నారట.

త్వరలోనే రకూల్ డబ్బింగ్ కూడా చెప్పబోతుందని తెలిసింది. ప్రస్తుతం రాంచరణ్ తో ‘బ్రూస్ లీ’, ఎన్టీఆర్ తో ‘నాన్నకు ప్రేమతో’, అల్లు అర్జున్ తో ‘సరైనోడు’ చిత్రాలు త్వరలోనే ప్రేక్షకుల ముందుకు రానున్నాయి. మరి ఈ మూడు సినిమాలు హిట్టయితే రకూల్ టాలీవుడ్ టాప్ 1 హీరోయిన్ అయిపోవడం ఖాయం.