సర్దార్ కు బదులుగా శ్రీమంతుడు వస్తాడా?

Posted: 09/16/2015 04:45 PM IST

అక్కినేని అఖిల్ హీరోగా వి.వి.వినాయక్ దర్శకత్వంలో తెరకెక్కుతున్న ‘అఖిల్’ చిత్ర ఆడియో విడుదల కార్యక్రమం ఈనెల 20న అక్కినేని నాగేశ్వరరావు జయంతి సందర్భంగా విడుదల చేయనున్నారు. హైద‌రాబాద్ గ‌చ్చిబౌలి ఇండోర్ స్టేడియంలో అత్యంత ప్రతిష్టాత్మకంగా ఈ కార్యక్రమం జరుగనుంది.

ఈ ఆడియో వేడుకకు పవర్ స్టార్ పవన్ కళ్యాణ్ ముఖ్య అతిథిగా రాబోతున్నాడని వార్తలొచ్చాయి. కానీ తాజా సమాచారం ప్రకారం పవన్ కళ్యాణ్ కు బదులుగా ప్రిన్స్ మహేష్ బాబు రాబోతున్నాడని తెలిసింది. ఈ వేడుకలో అఖిల్ ను స్టేజ్ మీదకు మహేష్ తీసుకురానున్నాడని సమాచారం. అయితే ప్రస్తుతం మహేష్ కూడా ‘బ్రహ్మోత్సవం’ సినిమా షూటింగ్ లో బిజీగా వున్నాడు. మరి ఈ ఆడియో వేడుకకు వస్తాడా లేదా అనే విషయం త్వరలోనే చిత్ర యూనిట్ అధికారికంగా ప్రకటించనున్నారు.

అఖిల్, సయేశా సైగల్ జంటగా నటిస్తున్న ఈ చిత్రానికి ‘పవర్ ఆఫ్ జువా’ ట్యాగ్ లైన్. అన్నపూర్ణ స్టూడియోస్ సమర్పణలో శ్రేష్ట్ మూవీస్ బ్యానర్ పై హీరో నితిన్ భారీ బడ్జెట్ తో నిర్మిస్తున్నాడు. సయేశా సైగల్ హీరోయిన్. అనూప్, థమన్ సంగీతం అందిస్తున్నారు. ఈ చిత్రాన్ని అక్టోబర్ 21న గ్రాండ్ గా ప్రపంచ వ్యాప్తంగా విడుదల చేయనున్నారు.