వరుణ్ తేజ కంచె విడుదల తేది?

Posted: 07/14/2015 12:27 PM IST

‘ముకుంద’ వంటి భారీ అట్టర్ ఫ్లాప్ సినిమా తర్వాత వరుణ్ తేజ నటిస్తున్న తాజా చిత్రం ‘కంచె’. ప్రముఖ దర్శకుడు క్రిష్ దర్శకత్వంలో తెరకెక్కుతున్న ఈ చిత్రాన్ని రాజీవ్ రెడ్డి, మరియు సాయిబాబు జాగర్లమూడి సంయుక్తంగా ఫస్ట్ ఫ్రేమ్ ఎంటర్టైన్మెంట్ బ్యానర్ పై నిర్మిస్తున్నారు.

ఇటీవలే ఈ చిత్ర షూటింగ్ మొత్తం పూర్తయ్యింది. ఇటీవలే విడుదలైన ఓ స్టిల్ కు మంచి స్పందన వచ్చింది. ఇందులో వరుణ్ తేజ సరసన ప్రగ్య జైస్వాల్ హీరోయిన్ గా నటిస్తుంది. అయితే ఈ చిత్రాన్ని గాంధీ జయంతి సంధర్భంగా అక్టోబర్ 2వ తేదిన విడుదల చేయడానికి చిత్ర యూనిట్ సన్నాహాలు చేస్తున్నట్లుగా తెలిసింది.

కంచె అనేది ఊళ్ళ మధ్యన, దేశాల మధ్యనే కాదు. మనుషుల మధ్యన, కుటుంబాల మధ్యన కుడా ఉండొచ్చు, ఉంటాయి. ఈ నేపధ్యం లో, 1940 ల లో సాగే ఒక కథ ను దర్శకుడు క్రిష్ ఎంతో ప్రతిష్టాత్మకంగా తెరకెక్కించిన చిత్రమే 'కంచె'. అని అంటున్నారు చిత్ర యూనిట్. త్వరలోనే అన్ని వివరాలను చిత్ర యూనిట్ అధికారికంగా ప్రకటించనున్నారు.