ఆ ట్విట్ తో ‘అమ్మ’తనం వెక్కిరించింది..

Posted: 07/09/2015 04:52 PM IST

ప్రముఖ బాలీవుడ్ నటి, బాలీవుడ్ డ్రీమ్ గాల్ గా ఖ్యాతిగడించిన, బీజేపి ఎంపీ హేమామాలినిపై తాజాగా నిన్న చేసిన ట్విట్ తో అమ్మతనం వెక్కిరించిందన్న విమర్శలు వినవస్తున్నాయి. దీంతో మరోమారు నెట్ జనులు తమ అక్రోశాన్ని వెళ్లగక్కుతున్నారు. హేమామాలిని ఇటీవల రోడ్డ ప్రమాదానికి గురై కొలుకున్న తరువాత తొలిసారిగా చేసిన ట్విట్ అమెపై నెట్ జనులు అగ్రహానికి కారణమైంది. హేమా తన కారు డ్రైవరును వెనకేసుకు వచ్చే క్రమంలో తప్పను ఆల్టో కారు డ్రైవర్ పై వేసే ప్రయత్నం చేస్తున్నారన్న విమర్శలు వినిపిస్తున్నాయి.  

రోడ్డు ప్రమాదంలో క్షతగాత్రులైన బాధిత కుటుంబాన్ని అదుకుంటానని తమ తల్లి హేమామాలిని చెప్పారని అమె తనయ ఇషా డియోల్ జుహులో మీడియాతో మాట్లాడుతూ చెప్పారు. తమ తల్లి నిద్రలో వుండగా ప్రమాదం సంభవించిందని చెప్పారు. అమెకు ప్రమాదం ఎలా సంభవించింది, ఎవరెవరికి గాయాలయ్యాయన్న విషయం తెలియదని చెప్పారు. అయినప్పటికీ తమ తల్లి బాధిత కుటుంబాలను అధుకునేందుకు ముందుకు వచ్చారని ఇది అమె ఒక ప్రజాప్రతినిధిగా, ఎంపీగా కాకుండా.. ఒక మనస్సున్న తల్లిగా చేస్తున్నారని ఇషా తెలిపారు. ఆ తరువాత నాలుగు రోజులకు కోలుకున్న హేమ ఘటనపై ట్విట్ చేస్తూ.. కారు ప్రమాదంలో నాలుగేళ్ల చిన్నారి మరణించడానికి అమె తండ్రే కారణమని ట్విట్ చేశారు.

నిద్రిస్తున్న హేమామాలినికి ప్రమాదం ఎలా సంభవించదనే విషయం తెలుసా..? అయితే.. స్వల్పగాయాలతో హుటాహుటిన ఆస్పత్రికి వెళ్లిన అమె.. అదే ప్రమాదంలో చిన్నారి చావుబతుకుల మధ్య కోట్టుమిట్టాడుతుంటే కనిపించలేదా..? హేమా మాలిని కూడా ఒక మహిళ అన్న విషయాన్ని గుర్తుపెట్టుకోవాలన్న ఇషా.. అమ్మతనం వెక్కిరించనట్లు కనిపించడం లేదా..? అన్న విమర్శలు కూడా వినబడుతున్నాయి. బాలీవుడ్ నటిగా ప్రపంచ గుర్తింపును పొందిన హేమమాలిని.. ఈ ప్రమాదం యాదృచికంగా జరిగిందని. తప్పోప్పులు పక్కనబెడితే.. చిన్నారి మరణానికి తాను ప్రగాఢ సంతాపాన్ని వ్యక్తం చేస్తున్నానని అంటే బాగుండేది కదా..? అన్న కూడా పలువురు సూచనలు ఇస్తున్నారు.

అలా కాకుండా చిన్నారి మరణానికి అమె తండ్రే కారణం అంటూ అమె చేసిన ట్విట్ తో నెట్ జనులు ఆగ్రహానికి గురవుతున్నారు. ఒక ప్రజాప్రతినిధిగా, ఎంపీగా కాకుండా ఒక మనస్సున్న మహిళగా బాధిత కుటుంబ సభ్యులకు సాయం చేస్తానని చెప్పి నాలుగు రోజులవుతున్నా.. సాయం అందించడం మాని తమ కన్న కూతురిని పోగొట్టుకున్న కుటుంబాన్ని నిందించడం ఎంత వరకు సమంజసమని హేమపై నెట్ జనులు ప్రశలన వర్షం కురిపిస్తున్నారు. మనస్సున మనిషిగా, అందులోనూ మహిళగా, ఎంపీగా, నటిగా అనేక హోదాలను అధిరోషించిన హేమా.. ఇంత చౌవకబారు ట్విట్ చేయడంతో.. అమ్మ తనం వెక్కిరిందిందని పలువురు విమర్శలు కురిపిస్తున్నారు.

జి. మనోహర్