జులై 3న మంచు విష్ణు డైనమైట్ పేలనుందా?

Posted: 06/18/2015 09:38 AM IST

ప్రముఖ దర్శకుడు దేవకట్టా దర్శకత్వంలో మంచు విష్ణు హీరోగా నటిస్తున్న తాజా చిత్రం ‘డైనమైట్’. తమిళంలో విక్రమ్ ప్రభు, ప్రియా ఆనంద్ జంటగా నటించిన ‘అరిమనంబి’ చిత్రానికి రీమేక్ ఇది. తమిళంలో ఈ చిత్రం ఘనవిజయం సాధించింది. ఈ చిత్రాన్ని తెలుగులో విష్ణు, ప్రణీతలతో తెరకెక్కిస్తున్నారు. ఈ చిత్రాన్ని మంచు మోహన్ బాబు సమర్పణలో ప్రతిష్టాత్మకమైన 24 ఫ్రేమ్స్‌ ఫ్యాక్టరీ పతాకంపై మంచు విష్ణు ఈ సినిమాను నిర్మిస్తున్నారు.

ఇప్పటికే దాదాపు షూటింగ్ పూర్తయినట్లుగా తెలిసింది. పోస్ట్ ప్రొడక్షన్ పనులు కూడా శరవేగంగా జరుగుతున్నాయి. ఇప్పటికే విడుదలైన పాటలు, ట్రైలర్లకు మంచి రెస్పాన్స్ వస్తుంది. ఇందులో విష్ణు యాక్షన్ సన్నీవేశాలలో ఇరగ్గొట్టేసాడు. యాక్షన్ ఎంటర్ టైనర్ గా రూపొందుతున్న ఈ చిత్రాన్ని జులై 3న విడుదల చేయడానికి చిత్ర యూనిట్ సన్నాహాలు చేస్తుంది. త్వరలోనే ఓ అధికారిక ప్రకటన విడుదల చేయనున్నారు.