త్రివిక్రమ్ దర్శకత్వంలో ఎన్టీఆర్ కొత్త సినిమా ?

Posted: 06/08/2015 04:08 PM IST

‘టెంపర్’ వంటి బ్లాక్ బస్టర్ హిట్ చిత్రం తర్వాత యంగ్ టైగర్ ఎన్టీఆర్ హీరోగా ప్రముఖ దర్శకుడు సుకుమార్ దర్శకత్వంలో ఓ చిత్రం తెరకెక్కుతున్న విషయం తెలిసిందే. శ్రీ వెంకటేశ్వర సినీ చిత్ర బ్యానర్ పై ప్రముఖ నిర్మాత బి.వి.ఎస్.ఎన్.ప్రసాద్ నిర్మిస్తున్న ఈ చిత్రానికి దేవి శ్రీ పసాద్ సంగీతం అందిస్తున్నాడు.

ఎన్టీఆర్ సరసన రకూల్ ప్రీత్ సింగ్ హీరోయిన్ గా నటిస్తుంది. ప్రస్తుతం ఈ చిత్ర షూటింగ్ శరవేగంగా జరుగుతుంది. ఈ చిత్రానికి ‘నాన్నకు ప్రేమతో’ అనే టైటిల్ పరిశీలిస్తున్నారు. త్వరలోనే ఈ చిత్రం ప్రేక్షకుల ముందుకు రానుంది. ఈ సినిమా తర్వాత ఎన్టీఆర్ మాటల మాంత్రికుడు త్రివిక్రమ్ శ్రీనివాస్ దర్శకత్వంలో తెరకెక్కనుందని సమాచారం.

‘సన్నాఫ్ సత్యమూర్తి’ తర్వాత త్రివిక్రమ్ దర్శకత్వంలో పవన్ కళ్యాణ్ హీరోగా ‘కోబలి’ చిత్రం తెరకెక్కనుందని వార్తలొచ్చాయి. కానీ తాజా సమాచారం ప్రకారం త్రివిక్రమ్ తన తదుపరి చిత్రం ఎన్టీఆర్ తో చేయనున్నాడని తెలిసింది. ఇటీవలే త్రివిక్రమ్ ప్రాజెక్టుకు ఎన్టీఆర్ గ్రీన్ సిగ్నల్ ఇచ్చాడని, ఈ ప్రాజెక్టు నవంబర్ నెల నుంచి సెట్స్ పైకి వెళ్లనుందని సమాచారం. త్వరలోనే అన్ని వివరాలు అధికారికంగా తెలియనున్నాయి.